કેબીનેટમંત્રી જીતુભાઈ વાઘાણીએ જનઆશીર્વાદ યાત્રાનું રાજકોટ જીલ્લામાં ભવ્ય સ્વાગત કર્યું

પાટીદાર સમાજ સૌને સાથે લઇ ચાલનારો સમાજ છે : જીતુભાઈ વાઘાણી

જેતપુરમાં જનઆશીર્વાદયાત્રાનું સ્વાગત અને ભવ્ય સન્માન
જેતપુર રોટરી હોલ ખાતે વિવિધ સમાજ અને સંસ્થા દ્વારા સ્વાગત કરવામાં આવ્યું. આ પ્રસંગે તેઓએ જણાવ્યું હતું કે, લોકોના આશીર્વાદ લેવા એટલા માટે આવ્યા છીએ કે, લોકોએ અમારા ઉપર મુકેલ વિશ્વાસને ચરિતાર્થ કરવામાં ભાજપ સરકાર કટિબદ્ધ છે. આ યાત્રા દ્વારા લોકોની વચ્ચે જઈને ગુજરાતના વિકાસ માટે પ્રજાના મંતવ્ય મેળવીને લોકહિતના કાર્યોને વધુ વેગ મળે અને છેવાડાના માનવીને સુખ અને સગવડ મળી રહે અને સનિષ્ઠ કાર્યકરોને પ્રોત્સાહિત કરવાનો અવસર એટલે જન આશીર્વાદ યાત્રા. વિવિધ સમાજ અને સંસ્થાઓ દ્વારા બહુમાન કરવામાં આવ્યું હ્તું.

ગોંડલ ખાતે કિસાનો તથા વિવિધ સમાજ દ્વારા સન્માન
મંત્રી એ ગોંડલ શહેરના માર્કેટિંગયાર્ડ ખાતે સરદાર વલ્લભભાઈ પટેલની પ્રતિમાને હારતોરા કરવામાં આવ્યા હતા. બાદમાં માર્કેટિંગયાર્ડના હોલમાં માન,મંત્રી નુ સન્માન કરવામાં આવ્યું હતું. જેમાં, ધારાસભ્ય ગીતાબા જાડેજા, પૂર્વ ધારાસભ્ય જયરાજસિંહ જાડેજા, જીલ્લા ભાજપ ઉપપ્રમુખ રીનાબેન ભોજાણી, જીલ્લા ભાજપ મંત્રી અલ્પેશભાઈ ઢોલરીયા, ગોંડલ શહેર પ્રમુખ ચંદુભાઈ દુધાત્રા, મહામંત્રી ઓ ઉપેન્દ્રસિંહ ચુડાસમા, અશોકભાઈ પીપળીયા, ગોંડલ તાલુકા પ્રમુખ ભગવાનજીભાઈ રામાણી, મહામંત્રી જીતુભાઈ જીવાણી, બકુલભાઈ જેસ્વાલ, નગરપાલિકા પ્રમુખ શીતલબેન સમીરભાઈ કોટડીયા, તાલુકા પંચાયતપ્રમુખ ભાર્ગવભાઈ આંદીપરા, માર્કેટિંગયાર્ડ પ્રમુખ ગોપાલભાઈ શિંગાળા, પ્રફુલભાઈ ટોળિયા, અશોકભાઈ પરવાડીયા, શહેર યુવા મોરચા પ્રમુખ રવિભાઈ કાલરીયા, તાલુકા યુવા પ્રમુખ કિશનભાઈ ઠુંમર સહીતના શહેર તથા તાલુકાના કાર્યકર્તાઓ તથા વિવિધ સમાજ અને સંસ્થાઓ દ્વારા બહુમાન કરવામાં આવ્યું હ્તું.

શાપર(વેરાવળ) ખાતે એશોસિએશન દ્વારા ભવ્ય સ્વાગત,સન્માન
મંત્રીનું આનંદી આશ્રમમાં શાપર-વેરાવળના ઉદ્યોગપતિઓ અને શાપર-હડમતાળાના એશોસિએશનના પ્રમુખ તથા સંસ્થાના આગેવાનો દ્વારા ભવ્યાતિભવ્ય સ્વાગત કરવામાં આવ્યું તથા માન.મંત્રી સાથે ઔદ્યોગિક વિષય પર ગોષ્ઠી કરી હતી.આ જનઆશીર્વાદ યાત્રામાં સામાજીક, વ્યાપારિક, રાજનીતિક, વિવિધ સમાજના સંગઠનો, સહકારીક્ષેત્રના આગેવાનો દ્વારા ભવ્ય સ્વાગત કરવામાં આવશે. જનઆશીર્વાદયાત્રા દરમ્યાન જનસંઘ તેમજ જુના ભાજપના આગેવાનો, સંઘ પરિવારના વરિષ્ઠ આગેવાનો સાથે ચર્ચાઓ કરી હતી. શહેર તથા તાલુકાના કાર્યકર્તાઓ તથા વિવિધ સમાજ અને સંસ્થાઓ દ્વારા બહુમાન કરવામાં આવ્યું હ્તું.