ગૃહમંત્રી અમિત શાહે નાગરિકતા સંશોધન કાયદા એટલે કે CAAને લઈને મોટી જાહેરાત કરી છે. તેમણે કહ્યું છે કે લોકસભા ચૂંટણી પહેલા CAA લાગુ કરવા માટે નોટિફિકેશન બહાર પાડવામાં આવશે. આ અંગે તેમણે કોંગ્રેસ પર પણ નિશાન સાધ્યું હતું
કેન્દ્રીય ગૃહમંત્રી અમિત શાહે આગામી લોકસભા ચૂંટણીને લઈને મોટો દાવો કર્યો છે. તેમણે કહ્યું કે ભાજપને 370 બેઠકો મળશે અને એનડીએને 400થી વધુ બેઠકો મળશે અને વડાપ્રધાન નરેન્દ્ર મોદીના નેતૃત્વમાં સતત ત્રીજી વખત સરકાર બનશે. શાહે કહ્યું કે લોકસભા ચૂંટણીના પરિણામો પર કોઈ સસ્પેન્સ નથી અને કોંગ્રેસ અને અન્ય વિપક્ષી દળોને પણ સમજાઈ ગયું છે કે તેઓએ ફરીથી વિપક્ષી બેન્ચ પર બેસવું પડશે.
- Advertisement -
અમિત શાહે કહ્યું, ‘અમે બંધારણની કલમ 370, જેણે જમ્મુ અને કાશ્મીરને વિશેષ દરજ્જો આપ્યો હતો તે રદ્દ કરી દીધો છે. તેથી, અમારું માનવું છે કે દેશની જનતા ભાજપને 370 અને એનડીએને 400થી વધુ બેઠકો સાથે આશીર્વાદ આપશે.
CAA લોકસભા ચૂંટણી પહેલા લાગુ કરવામાં આવશે
નાગરિકતા (સુધારા) અધિનિયમ (CAA) અંગે શાહે કહ્યું કે કાયદો 2019માં પસાર થયો હતો. આ અંગેના નિયમો જારી કર્યા બાદ તેને લોકસભાની ચૂંટણી પહેલા લાગુ કરવામાં આવશે. શાહે કહ્યું, ‘CAA દેશનો કાયદો છે, તેનું નોટિફિકેશન ચોક્કસપણે થશે. CAAને ચૂંટણી પહેલા લાગૂ કરવાની છે જેથી કોઈને પણ આમાં કોઈ મૂંઝવણ ન રહે.
CAA का नोटिफिकेशन जल्द ही हो जाएगा। pic.twitter.com/pdQEsRSBCf
- Advertisement -
— Amit Shah (@AmitShah) February 10, 2024
તેમણે કહ્યું, ‘અમારા મુસ્લિમ ભાઈઓને ગેરમાર્ગે દોરવામાં આવી રહ્યા છે અને CAA વિરુદ્ધ ઉશ્કેરવામાં આવી રહ્યા છે. CAAનો હેતુ ફક્ત પાકિસ્તાન, અફઘાનિસ્તાન અને બાંગ્લાદેશમાં અત્યાચારનો સામનો કરીને ભારત આવેલા લોકોને જ નાગરિકતા આપવાનો છે. આ કોઈની ભારતીય નાગરિકતા છીનવી લેવા માટે નથી. યુનિફોર્મ સિવિલ કોડ અંગે શાહે કહ્યું કે તે બંધારણીય એજન્ડા છે, જેના પર દેશના પ્રથમ વડાપ્રધાન જવાહરલાલ નેહરુ અને અન્ય લોકોએ હસ્તાક્ષર કર્યા છે.
તેમણે કહ્યું, “પરંતુ કોંગ્રેસે તુષ્ટિકરણના કારણે તેની અવગણના કરી. ઉત્તરાખંડમાં UCCનો અમલ એક સામાજિક પરિવર્તન છે. તેના પર તમામ મંચ પર ચર્ચા કરવામાં આવશે અને કાયદાકીય અભિપ્રાય લેવામાં આવશે. ધર્મનિરપેક્ષ દેશમાં કોઈ ધર્મ આધારિત નાગરિક સંહિતા નથી. બની શકે છે.”
શ્વેતપત્રને લઈને કોંગ્રેસ પર નિશાન સાધ્યું
સંસદમાં સરકાર દ્વારા રજૂ કરવામાં આવેલા શ્વેતપત્રના સમય પર, અમિત શાહે કહ્યું કે તે જરૂરી છે કારણ કે દેશને એ જાણવાનો સંપૂર્ણ અધિકાર છે કે 2014માં સત્તા ગુમાવ્યા પછી કોંગ્રેસની આગેવાની હેઠળના સંયુક્ત પ્રગતિશીલ ગઠબંધન (યુપીએ) એ શું ગડબડ છોડી દીધી હતી. તેમણે કહ્યું, “તે સમયે (2014) અર્થવ્યવસ્થા ખરાબ સ્થિતિમાં હતી. દરેક જગ્યાએ કૌભાંડો થઈ રહ્યા હતા. વિદેશી રોકાણ આવી રહ્યું ન હતું. જો અમે તે સમયે શ્વેતપત્ર બહાર પાડ્યું હોત, તો તેનાથી લોકોને ખોટો સંદેશ ગયો હોત. પરંતુ 10 વર્ષ પછી અમારી સરકારે અર્થવ્યવસ્થાને પુનર્જીવિત કરી છે, વિદેશી રોકાણ આવ્યું છે અને ભ્રષ્ટાચાર થયો નથી. તેથી શ્વેતપત્ર પ્રકાશિત કરવાનો આ યોગ્ય સમય છે.”
