ઉત્તરપૂર્વ દિલ્હીના વેલકમ વિસ્તારમાં ચાર માળની ઇમારત ધરાશાયી થઈ, જેના કારણે રહેવાસીઓ કાટમાળ નીચે ફસાઈ ગયા. સાક્ષીઓએ જણાવ્યું હતું કે ઇમારત પડી ત્યારે મોટો અવાજ આવ્યો હતો. કાટમાળ નીચે દબાયેલા 12 લોકોને બચાવવા માટે કામ કરી રહ્યા છે.
દિલ્હીમાં એક મોટી દુર્ઘટના બની છે. ઉત્તર-પૂર્વ દિલ્હીના વેલકમ વિસ્તારમાં ચાર માળની ઇમારત ધરાશાયી થઈ છે. આ ઇમારતના કાટમાળમાં 12 લોકો ફસાયા છે. લોકોને બહાર કાઢવા માટે બચાવ કામગીરી હાથ ધરવામાં આવી રહી છે. ફાયર વિભાગની 7 ટીમો બચાવ કામગીરીમાં લાગી છે. ઘાયલોને સારવાર માટે હોસ્પિટલમાં ખસેડવામાં આવ્યા છે.
- Advertisement -
મામલો સીલમપુર વિસ્તારનો છે. શનિવારે સવારે અહીંના ઇદગાહ રોડ પર જનતા કોલોનીમાં 4 માળની ઇમારત ધરાશાયી થઈ હતી. ઇમારત ધરાશાયી થવાથી વિસ્તારમાં ગભરાટ ફેલાયો હતો. આ ઘટના અંગે ફાયર વિભાગ અને પોલીસને તાકીદે જાણ કરવામાં આવી હતી. ઘટનાની માહિતી મળતા જ ફાયર વિભાગની ટીમ ઘટનાસ્થળે પહોંચી ગઈ હતી અને 7 ટીમોએ લોકોને બચાવવાનું કામ શરૂ કર્યું હતું. આ ઘટનામાં અત્યાર સુધીમાં 3 લોકોને બચાવી લેવામાં આવ્યા છે, જ્યારે 12 લોકો ફસાયા હોવાની આશંકા છે. આ ઘટનામાં બહાર કાઢવામાં આવેલા લોકોને સારવાર માટે હોસ્પિટલમાં ખસેડવામાં આવ્યા છે.
આ ઘટનાની માહિતી આપતા ફાયર વિભાગે જણાવ્યું હતું કે આ અકસ્માત શનિવારે સવારે સીલમપુરના ઇદગાહ રોડ વિસ્તારમાં થયો હતો. આ અકસ્માતમાં ઘરમાં હાજર લગભગ 12 લોકો ફસાઈ ગયા હતા. તેમાંથી 3 લોકોને બહાર કાઢીને હોસ્પિટલમાં લઈ જવામાં આવ્યા છે. ફાયર વિભાગનું કહેવું છે કે જે ઈમારત ધરાશાયી થઈ હતી તેમાં કુલ 4 માળ હતા. ફાયર વિભાગની ટીમ કાટમાળમાં ફસાયેલા લોકોને બચાવી રહી છે.
