જેસલમેર સરહદ પર તૈનાત BSF જવાન શહીદ, હીટ સ્ટ્રોકે લીધો જીવ

 ભારત અને પાકિસ્તાન વચ્ચે જેસલમેર સરહદ પર તૈનાત બોર્ડર સિક્યુરિટી ફોર્સ (BSF)નો એક જવાન શહીદ થયાના સમાચાર સામે આવ્યા છે. વાત જાણે એમ છે કે, બોર્ડર પર શહીદ થયેલા જવાનની ઓળખ અજય કુમાર તરીકે થઈ છે. કહેવામાં આવી રહ્યું છે કે, સૈનિકનું મોત હીટ સ્ટ્રોકના કારણે થયું છે. નોંધનિય છે કે, હાલ દેશભરમાં આકરી ગરમી જોવા મળી રહી છે. તેની અસર રણની સરહદ પર પણ જોવા મળી રહી છે જ્યાં તાપમાન 55 ડિગ્રીથી ઉપર ગયું છે. આ કાળઝાળ ગરમીના કારણે BSFના જવાનો પણ પરેશાન છે.

શહીદ સૈનિકના પાર્થિવ દેહને મોકલવામાં આવશે જલપાઈગુડી

રાજસ્થાનના બિકાનેરમાં તાપમાન 47 ડિગ્રી સુધી પહોંચી ગયું છે. આંતરરાષ્ટ્રીય સરહદે રેતી ભઠ્ઠીની જેમ પડી રહી છે, પરંતુ માતૃભૂમિની સેવા કરતા આપણા સૈનિકો મજબૂત ઊભા છે. બીકાનેરની રેતીમાં BSF જવાનને પાપડ શેકતો દર્શાવતો વીડિયો વાયરલ થયો છે.

કાળઝાળ ગરમીમાં BSFના જવાનો અત્યંત સતર્કતા સાથે તૈનાત છે, ગરમી એવી હતી કે કારના બોનેટ પર રોટલી શેકાઈ ગઈ હતી, જ્યારે BSF જવાનો તડકામાં પાપડ શેકતા હોવાનો વિડીઓ પણ  વાયરલ થયો હતો.