બિલ ગેટ્સની ઓળખ તેમના માઈક્રોસોફ્ટના કારણે છે. પરંતુ તેમનો ભારત પ્રત્યે પ્રેમ પણ બધા જાણે જ છે. આ વખતે તેમણે પોતાની જાતે રોટલી બનાવી અને ઘી લગાવીને ખાધી. તેમનો આ વીડિયો સોશિયલ મીડિયા પર ખૂબ જ વાયરલ થઈ રહ્યો છે.
એક સમયે દુનિયાના સૌથી અમીર શખ્સ રહી ચુકેલા અને માઈક્રોસોફ્ટના પૂર્વ ચેરમેન બિલ ગેટ્સનો ભારત પ્રેમ બધા જાણે જ છે. તે પોતાનો લાંબો સમય ભારતમાં જ પસાર કરતા હતા. જગજાહેર છે કે ભારતમાં સમય પસાર કર્યા બાદ ભારતીય વાનગીઓ પ્રત્યેનો પ્રેમ બહાર આવી જ જાય છે.
- Advertisement -
પરંતુ આ વખતે તેમનો પ્રેમ ભારતની રોટલી માટે દેખાયો છે. આટલું જ નહીં તેમણે જાતે રોટલી બનાવી અને ઘી લગાવીને તેને ખાધી પણ ખરી. રોટલી બનાવતા તેમનો એક વીડિયો ખૂબ જ વાયરલ થઈ રહ્યો છે.
.@BillGates and I had a blast making Indian Roti together. I just got back from Bihar, India where I met wheat farmers whose yields have been increased thanks to new early sowing technologies and women from "Didi Ki Rasoi" canteens who shared their expertise in making Roti. pic.twitter.com/CAb86CgjR3
— Eitan Bernath (@EitanBernath) February 2, 2023
- Advertisement -
બિલ ગેટ્સે બનાવી રોટલી
બિલ ગેટ્સે સેલિબ્રિટી શેફ ઈટાન બર્નેથની સાથે મળીને રોટલી બનાવી. આ વીડિયોને સેલિબ્રિટી શેફે પોતાના ટ્વિટર હેન્ડલ પર શેર કર્યો છે. વીડિયોમાં બર્નેથે બિલ ગેટ્સને લોટ બાંધવાથી લઈને રોટલી બનાવવા અને ઘી લગાવવા સુધીની સંપર્ણ પ્રોસેસ જણાવી.
બિલ ગેટ્સે ટેડી-મેડી રોટલી બનાવી પણ ખરી. જોકે તવા પર એ રોટલીને શેકવામાં આવી જેને બર્નેથે બનાવી હતી. ત્યાર બાદ રોટલી પર ઘી લગાવીને બંન્નેએ તેનો આનંદ લીધો.
વાયરલ થઈ રહ્યો છે આ વીડિયો
વીડિયો ગુરૂવારે ટ્વીટર પર શેર કરવામાં આવ્યો છે. બિલ ગેટ્સને રોટલી બનાવતા જોઈ લોકોને ખૂબ મજા આવી રહી છે. અત્યાર સુધી લગભગ 1 લાખ, 80 હજાર લોકોએ આ વીડિયો જોઈ લીધો છે. આ ઉપરાંત 139 રીટ્વીટ, 1300થી વધારે લોકો વીડિયો પોસ્ટને લાઈક કરી ચુક્યા છે. આ ઉપરાંત વીડિયો પર મોટી સંખ્યામાં કમેન્ટ પણ કરી રહ્યા છે.
