ઈમરાનના સમર્થનમાં રેલી-જુલૂસ કાઢવા પર પ્રતિબંધ, ખૈબર પખ્તુનખ્વામાં રાષ્ટ્રપતિ શાસનની તૈયારી; ઙઅઊંમાં એલર્ટ
ખાસ-ખબર ન્યૂઝ નવી દિલ્હી, તા.2
- Advertisement -
પાકિસ્તાનમાં પૂર્વ વડાપ્રધાન ઇમરાન ખાનના સ્વાસ્થ્ય અંગેની અફવાઓ વચ્ચે હજારો પાકિસ્તાન તહરીક-એ-ઇન્સાફ (પીટીઆઈ)ના સમર્થકો રાવલપિંડીની આદિયાલા જેલ બહાર એકઠા થયા છે, જ્યારે પાકિસ્તાની સુરક્ષા દળોએ પ્રદર્શનને રોકવા માટે સમગ્ર રાવલપિંડીમાં કલમ 144 લાગુ કરી દીધી છે. ઇમરાનના સમર્થકો મોટી સંખ્યામાં રાવલપિંડી પહોંચી રહ્યા છે. ત્યાં, પાકિસ્તાની સરકારે ખૈબર પખ્તુનખ્વા (કેએપી) માં રાષ્ટ્રપતિ શાસન (ગવર્નર રૂલ) લાગુ કરવાની કવાયત તેજ કરી દીધી છે. આ અંતર્ગત 1 થી 3 ડિસેમ્બર સુધી કોઈપણ સાર્વજનિક સભા, રેલી, સરઘસ, ધરણા, પ્રદર્શન કરવા, 5 કે તેથી વધુ લોકોના એકઠા થવા પર સંપૂર્ણ પ્રતિબંધ મૂકવામાં આવ્યો છે. ડેપ્યુટી કમિશનર ડો. હસન વકારે આ અંગે એક આદેશ જાહેર કર્યો છે. આદેશમાં હથિયાર, લાકડી, ગુલેલ, પેટ્રોલ બોમ્બ, વિસ્ફોટક સામગ્રી લઈ જવા પર રોક લગાવી દેવામાં આવી છે. આ ઉપરાંત નફરતભર્યા ભાષણો આપવા, પોલીસની બેરિકેડિંગ હટાવવાનો પ્રયાસ કરવો, બે લોકોનું એક મોટરસાઇકલ પર પાછળ બેસવું અને લાઉડસ્પીકરનો ઉપયોગ કરવા પર પણ સંપૂર્ણપણે રોક લગાવી દેવામાં આવી છે.
આ રોક ઇમરાન ખાનની પાર્ટી પાકિસ્તાન તહરીક-એ-ઇન્સાફ (ઙઝઈં) દ્વારા મંગળવારે ઇસ્લામાબાદ હાઈકોર્ટની બહાર અને રાવલપિંડી (અડિયાલા જેલ)માં મોટા પાયે વિરોધ પ્રદર્શન કરવાના નિર્ણય પછી આવી છે.
