કોલકાતા નાઈટ રાઈડર્સ અને સનરાઈઝર્સ હૈદરાબાદની મેચ અમદાવાદના નરેન્દ્ર મોદી સ્ટેડિયમમાં રમાશે પણ આજની મેચ પણ વરસાદને કારણે ધોવાઈ જશે તો..? જો આજે મેચ ન રમાય તો કઈ ટીમને ફાયદો થશે?
IPL 2024 સીઝન હવે પ્લેઓફ તબક્કામાં પહોંચી ગઈ છે અને આજે IPLના ક્વોલિફાયર 1માં કોલકાતા નાઈટ રાઈડર્સ અને સનરાઈઝર્સ હૈદરાબાદ વચ્ચે શાનદાર મેચ રમાશે, જેને લઈને દર્શકો ભારે ઉત્સાહિત છે. કોલકાતા આ સિઝનમાં પ્લેઓફમાં પહોંચનાર પ્રથમ ટીમ હતી, તેનો સામનો હૈદરાબાદ સાથે થશે, જેણે પંજાબ કિંગ્સને ચાર વિકેટથી હરાવી પ્લેઓફમાં પ્રવેશ કર્યો હતો.
આજની મેચ પણ વરસાદને કારણે ધોવાઈ જશે તો..?
કોલકાતા નાઈટ રાઈડર્સ અને સનરાઈઝર્સ હૈદરાબાદની મેચ અમદાવાદના નરેન્દ્ર મોદી સ્ટેડિયમમાં રમાશે. જે ટીમ આ મેચ જીતશે તે ફાઇનલમાં પોતાનું સ્થાન નિશ્ચિત કરશે. હવે KKR IPLના ઈતિહાસમાં પ્રથમ વખત ટેબલમાં ટોચ પર છે, જ્યારે હૈદરાબાદની ટીમે પણ ગ્રુપ સ્ટેજમાં શાનદાર પ્રદર્શન કર્યું હતું. એ તો જાણીતું જ છે કે આ સિઝનમાં કુલ ત્રણ મેચ વરસાદને કારણે ધોવાઈ ગઈ હતી અને લોકોને એ ચિંતા છે કે શું આજની મેચ પણ વરસાદને કારણે ધોવાઈ જશે તો..? એવામાં ચાલો જાણીએ કે આજે અમદાવાદમાં કેવું હવામાન રહેશે.
- Advertisement -
અમદાવાદમાં કેવું રહેશે હવામાન?
મેચમાં વરસાદની શક્યતા ઓછી છે…
જો કે હૈદરાબાદ અને કોલકાતા વચ્ચેની મેચમાં વરસાદની શક્યતા ઓછી છે, પરંતુ જો વરસાદને કારણે મેચમાં અવરોધ આવે અને મેચ ન રમાય તો કઈ ટીમને ફાયદો થશે? પ્લેઓફ મેચ દરમિયાન વરસાદના કિસ્સામાં ઓછામાં ઓછી 5-5 ઓવરની મેચો કરાવવાના પ્રયાસો કરવામાં આવશે અથવા તો સુપર ઓવર દ્વારા પરિણામ પણ નક્કી કરી શકાય છે. પરંતુ જો વરસાદના કારણે મેચ કટઓફ સમય સુધી શરૂ ન થાય અને રદ થાય તો કોલકાતાની ટીમ સીધી ફાઇનલમાં પ્રવેશ કરશે. તેનું કારણ એ છે કે કોલકાતાની ટીમ ટેબલમાં ટોપ પર હતી અને તેનો ફાયદો તેને મળશે, જ્યારે આ સ્થિતિમાં હૈદરાબાદની ટીમે ક્વોલિફાયર 2 માટે ચેન્નાઈ જવું પડશે.
ત્રણ મેચ વરસાદને કારણે રદ્દ કરવામાં આવી હતી
- Advertisement -
દેશના ઘણા ભાગોમાં વરસાદે મેચની મજા બગાડી દીધી હતી. આ સિઝનમાં ત્રણ મેચ વરસાદને કારણે રદ્દ કરવામાં આવી હતી જ્યારે એક મેચમાં વરસાદને કારણે ઓવરની સંખ્યા ઘટાડવી પડી હતી. મુંબઈ ઈન્ડિયન્સ અને કોલકાતા વચ્ચેની મેચ વરસાદને કારણે 16-16 ઓવરની કરવામાં આવી હતી, જ્યારે 13 મેના રોજ યોજાનારી કોલકાતા અને ગુજરાત વચ્ચેની મેચ અને ગુરુવારે હૈદરાબાદ અને ગુજરાત વચ્ચેની મેચ વરસાદને કારણે રદ કરવામાં આવી હતી. એટલું જ નહીં, રવિવારે ગુવાહાટીમાં કોલકાતા અને રાજસ્થાન વચ્ચે IPL 2024ના ગ્રુપ સ્ટેજની છેલ્લી મેચ વરસાદના કારણે રમાઈ શકી ન હતી.
