પોરબંદર માર્કેટ યાર્ડ ખાતે મગફળી સહિતની જણસોનો ટેકાના ભાવથી ખરીદીનો શુભારંભ કરાયો

ખાસ-ખબર ન્યૂઝ પોરબંદર

ખેડૂતોને ખેત ઉત્પાદનોના પોષણક્ષમ ભાવ મળી રહે તે હેતુથી રાજ્ય સરકાર દ્વારા ખરીફ પાકો મગફળી સહિતની જણસોની ટેકાના ભાવે ખરીદીનો પોરબંદર જિલ્લાનાં સાંસદ અને કેન્દ્રીય શ્રમ અને રોજગાર મંત્રી મનસુખભાઈ માંડવીયા સહિતનાં મહાનુભવોની ઉપસ્થિતિમાં માર્કેટ યાર્ડ પોરબંદર ખાતે શુભારંભ કરાવ્યો હતો. કેન્દ્રીય મંત્રી સહિતના મહાનુભવોની ઉપસ્થિતિમાં માર્કેટિંગ યાર્ડ ખાતે મગફળી ખરીદીનો શુભારંભ કરાવ્યો હતો.ત્યારબાદ મંત્રીએ પોરબંદર શહેરમાં દુલીપ ક્રિકેટ સ્કૂલની મુલાકાત લીધી હતી.અને દુલીપ ક્રિકેટ સ્કૂલની સુવિધાઓ વિષેની માહિતી મેળવી હતી. ઉલ્લેખનીય છે.

કે,ખરીફ પાકો મગફળી, મગ, અડદ અને સોયાબીનની ટેકાના ભાવથી ખરીદવાનું આયોજન સરકારશ્રી મારફત કરવામાં આવેલ છે. સરકારશ્રીએ વર્ષ 2024-25 મગફળી માટે રૂ.6783 (રૂ.1356.60 પ્રતિ મણ), મગ માટે રૂ.8682 (રૂ.1736.40 પ્રતિ મણ), અડદ માટે રૂ.7400 (રૂ.1480 પ્રતિ મણ) તથા સોયાબિન માટે રૂ.4892 (રૂ.978.40 પ્રતિ મણ) પ્રતિ ક્વિન્ટલ ટેકાના ભાવ જાહેર કરેલ છે. આ તકે પોરબંદર જિલ્લા પંચાયત પ્રમુખ પરબતભાઈ પરમાર,ધારાસભ્ય અર્જુનભાઈ મોઢવાડિયા, માર્કેટિંગ યાર્ડના ચેરમેન લખમણભાઇ ઓડેદરા,તાલુકા પંચાયત પ્રમુખ લિરીબેન ખૂટી,કલેકટર એસ. ડી. ધાનાણી, જિલ્લા વિકાસ અધિકારી કે. બી. ઠક્કર, જિલ્લા ખેતીવાડી અધિકારી, પૂર્વ મંત્રી બાબુભાઈ બોખરીયા,જીલ્લા ભાજપ પ્રમુખ રમેશભાઈ પટેલ સહિતનાં અધિકારીઓ-પદાધિકારીઓ ઉપસ્થિત રહ્યાં હતાં