ગુજરાતમાં વિધાનસભા ચૂંટણી 2022ના પ્રથમ અને બીજા એટલે કે બે તબક્કાના મતદાનમાં ગુજરાતમાં 3.13 કરોડ મતદાન કર્યું
ગુજરાત વિધાનસભાની ચૂંટણીમાં પ્રચંડ જીત સાથે ભાજપે તમામ જૂન રેકોર્ડ તોડી દીધા છે. આ તરફ હવે ગુજરાતમાં કયા પક્ષને કેટલા મત મળ્યા તેના આંકડા સામે આવ્યા છે. ગુજરાતમાં વિધાનસભા ચૂંટણી 2022ના પ્રથમ અને બીજા એટલે કે બે તબક્કાના મતદાનમાં ગુજરાતમાં 3.13 કરોડ મતદાન કર્યું હતું. જેમાંથી સૌથી વધુ ભાજપને 1.67 કરોડ મત મળ્યા છે. તો બીજા નંબર પર કોંગ્રેસને કુલ 86.83 લાખ મળ્યા છે.
- Advertisement -
ગુજરાતમાં 3.13 કરોડ લોકોએ કર્યું મતદાન
ગુજરાત વિધાનસભા ચૂંટણી 2022માં યુવા-વૃદ્ધો સાથે પુરુષ અને સ્ત્રી મળીને કુલ 3.13 કરોડ લોકોએ મતદાન કર્યું હતું. આ ચૂંટણીમાં સૌથી વધુ મતભાજપને મળ્યા છે. ભારતીય જનતા પાર્ટીને 1.67 કરોડ મત મળ્યા છે. જોકે 1.67 કરોડ મત સાથે ભાજપનો વોટ શેર 52.50 ટકા થયો છે. આ તરફ સૌથી વધુ મત ભાજપને મળ્યા બાદ કોંગ્રેસ બીજા સ્થાને છે. આ ચૂંટણીમાં કોંગ્રેસને કુલ 86.83 લાખ મળ્યા છે. જેને લઈ હવે કોંગ્રેસનો વોટશેર 2017 કરતા ઘટીને 27.30 ટકા થયો છે.
મહત્વનું છે કે, ગુજરાત વિધાનસભાની ચૂંટણીમાં સૌથી વધારે અને મોટો ફટકો કેજરીવાલની આમ આદમી પાર્ટીને પડ્યો છે. 182 બેઠકો પર ઉમેદવારો ઉતારીને જીતીને ગુજરાતમાં સરકાર બનાવવાનું સપનું જોઈ રહેલી આમ આદમી પાર્ટી ભાજપની આંધીમાં એવી તો ઉડી ગઈ કે ઊભી થાય તેવી હાલતમાં રહી નથી.
- Advertisement -
128 પાર્ટીઓ ડિપોઝીટ પણ બચાવી ન શક્યા
ગુજરાતમાં ભાજપની આંધીમાં 128 ઉમેદવારોને કમરતોડ ફટકો પડ્યો હતો અને થોડાઘણા વોટ મેળવવાની વાત તો બાજુએ રહી ડિપોઝીટ સુદ્ધા ગુમાવવાનો વારો આવ્યો હતો. આમ આદમી પાર્ટીને લાગેલો આ તગડો ફટકો છે.
કોંગ્રેસના 44 ઉમેદવારોની પણ ડિપોઝીટ ડૂલ
ગુજરાત ચૂંટણીમા કોંગ્રેસને પણ કંઈ ઓછું નુકશાન નથી વેઠવું પડ્યું. કોંગ્રેસ ફક્ત 17 બેઠકો પર સમેટાઈ ગઈ છે પરંતુ તેનાથી ચોંકાવનારી વાત એ છે કે તેના 44 ઉમેદવારો એક સિંગલ વોટ પણ મેળવી શક્યા નથી અને ડિપોઝીટ ગુમાવીને દઈને રહ્યાં.
આમ આદમી પાર્ટી 5 બેઠકો પર સમેટાઈ
ગુજરાતમાં આમ આદમી પાર્ટીને ફક્ત 5 બેઠકોથી સંતોષ માનવો પડ્યો છે. બોટાદ, ગારિયાધર, ડેડિયાપાડા, વિસાવદર અને જામજોધપુર બેઠક પરથી આપના ઉમેદવારોએ જીત મેળવી છે. સરવાળે, ગુજરાતમાં સરકાર બનાવવાનું આમ આદમી પાર્ટીનું સપનું ચકનાચૂર થયું છે.
ચૂંટણી ડિપોઝિટ શું છે?
ચૂંટણી સુરક્ષા ડિપોઝિટ એ એક રકમ છે જે ઉમેદવાર ઉમેદવારી નોંધાવે ત્યારે રિટર્નિંગ ઓફિસર પાસે જમા કરાવવાની હોય છે. આને કાં તો રોકડમાં રજૂ કરવાની રહેશે, અથવા તો રસીદને ઉમેદવારી પત્ર સાથે જોડવી આવશ્યક છે. ચૂંટણી ડિપોઝિટનો મુખ્ય હેતુ એ સુનિશ્ચિત કરવાનો છે કે માત્ર સાચા અને ઈચ્છૂક ઉમેદવારો જ ચૂંટણી પ્રક્રિયાનો ભાગ બનવા માટે ઉમેદવારી નોંધાવે.
ચૂંટણી ડિપોઝિટની રકમ કેટલી હોય છે
લોકસભા અને રાજ્યસભાની બેઠક પરથી ચૂંટણીના કિસ્સામાં ઉમેદવાર માટે ચૂંટણી ડિપોઝિટની રકમ રૂ. 25,000 અને રૂ. 12,500 છે. વિધાનસભા અથવા કાઉન્સિલ મતવિસ્તારમાંથી ચૂંટણીના કિસ્સામાં, એટલે કે રાજ્યોમાં વિધાનસભાઓના સ્તરે ચૂંટણી ડિપોઝીટ રૂ. 10,000 અને રૂ. 5,000 હોય છે.
ક્યારે જપ્ત થાય ચૂંટણી ડિપોઝીટની રકમ
જો ઉમેદવાર દ્વારા મળેલા માન્ય મતોની સંખ્યા કુલ મતદાનના 1/6 કરતા ઓછી હોય તો ચૂંટણીમાં ડિપોઝિટ જપ્ત થઈ જતી હોય છે. ચૂંટણી પંચે તે સરકારી ખજાનામાં જમા કરાવે છે. જો કોઈ ઉમેદવાર પોતાનું નામાંકન પાછું ખેંચી લે છે અથવા મતદાન પહેલા તેનું નિધન થઈ જાય છે, તો તે રકમ પરત કરવામાં આવે છે. જો સામાન્ય ચૂંટણીમાં, ઉમેદવાર એક કરતા વધુ સંસદીય મતવિસ્તારમાં અથવા એક કરતા વધુ વિધાનસભા મતવિસ્તારમાં ચૂંટણી લડી રહ્યાં હોય તો તેવા કિસ્સામાં ચૂંટણી ડિપોઝીટ પાછી મળતી નથી.
