નામીબિયાથી ભારતમાં લાવવામાં આવેલ અન્ય એક ચિત્તા ‘શૌર્ય’નું મધ્યપ્રદેશના કુનો નેશનલ પાર્કમાં મૃત્યુ થયું છે. કુનો નેશનલ પાર્કમાં અત્યાર સુધીમાં 10 ચિતાના મોત થયા છે. મૃત્યુ પામનાર ચિત્તા ‘શૌર્ય’ના મૃત્યુનું કારણ હજુ સુધી જાણી શકાયું નથી. લાયન પ્રોજેક્ટના ડિરેક્ટરે માહિતી આપી હતી કે આજે 16 જાન્યુઆરીએ બપોરે 3.17 વાગ્યે નામીબિયન ચિતા ‘શૌર્ય’ના મૃત્યુ વિશે જાણકારી આપી હતી. પોસ્ટમોર્ટમ બાદ મોતનું કારણ જાણી શકાશે.
કુનો નેશનલ પાર્કમાં ચિત્તાના પુન:સ્થાપિત કરવા માટે નામીબિયા અને દક્ષિણ આફ્રિકાથી 20 ચિત્તા લાવવામાં આવ્યા હતા, પરંતુ અત્યાર સુધીમાં વિવિધ કારણોસર 7 પુખ્ત અને 3 બચ્ચા મૃત્યુ પામ્યા છે.
- Advertisement -
Namibian cheetah Shaurya passes away at Kuno, post-mortem to determine cause
Read @ANI Story | https://t.co/Wjx3Ewcdnr#NamibianCheetah #kunonationalpark pic.twitter.com/cvt9TMyStN
— ANI Digital (@ani_digital) January 16, 2024
- Advertisement -
અત્યાર સુધીમાં 3 બચ્ચા સહિત ચિત્તાના મોત થયા છે. નામીબિયા અને દક્ષિણ આફ્રિકાથી કુલ 20 ચિત્તા કુનો નેશનલ પાર્કમાં લાવવામાં આવ્યા હતા, જેમાંથી નામીબિયાની માદા ચિત્તા જ્વાલાએ 4 બચ્ચાને જન્મ આપ્યો હતો. અહીં 26 માર્ચ, 2023 ના રોજ, નામિબિયન માદા ચિત્તા શાશાનું કિડનીના ચેપને કારણે મૃત્યુ થયું હતું. જ્યારે નર ચિત્તો ઉદય 23 એપ્રિલ 2023 ના રોજ કાર્ડિયો પલ્મોનરી નિષ્ફળતાને કારણે મૃત્યુ પામ્યો હતો. આ પછી, નર ચિત્તો સાથે હિંસક ક્રિયાપ્રતિક્રિયાને કારણે 9 મે 2023 ના રોજ દક્ષાનું મૃત્યુ થયું હતું.
નામિબિયન માદા ચિત્તા સિયા (જ્વાલા)ના ચાર બચ્ચામાંથી એકનું 23 મેના રોજ મૃત્યુ થયું હતું, ત્યારબાદ 25 મેના રોજ ડિહાઇડ્રેશનને કારણે બે બચ્ચા મૃત્યુ પામ્યા હતા. મંગળવારે, 11 જુલાઈના રોજ, અન્ય દક્ષિણ આફ્રિકાના ચિત્તા, તેજસનું નામીબિયન માદા ચિત્તા, નાભા (સાવાન્નાહ) સાથે હિંસક ક્રિયાપ્રતિક્રિયાને કારણે મૃત્યુ થયું હતું. આ પછી, 2 ઓગસ્ટ, 2023 ના રોજ, અન્ય ચિત્તાનું મૃત્યુ થયું. ત્યારબાદ 16 જાન્યુઆરી 2024ના રોજ દસમા ચિતા ‘શૌર્ય’નું પણ મૃત્યુ થયું છે.
