AMCનું રૂ.10,801 કરોડનું બજેટ રજૂ પ્રોપર્ટી ટેક્સમાં કોઈપણ પ્રકારનો વધારો નહિં

AI સેલની સ્થાપના કરાશે: રિવરફ્રન્ટના ત્રીજા ફેઝ માટે પ્લાનિંગ
ખાસ-ખબર સંવાદદાતા
રાજ્યનું સૌથી મોટું આર્થિક પાટનગર એવા અમદાવાદનું વર્ષ 2024-25નું ડ્રાફ્ટ બજેટ મ્યુનિસિપલ કમિશનર એમ. થેન્નારેસન દ્વારા આજે સ્ટેન્ડિંગ કમિટી સમક્ષ રજૂ કરવામાં આવ્યું છે. રૂ.10,801 કરોડનું બજેટ કમિશનરે મૂક્યું છે. ગયા વર્ષે રૂપિયા 8400 કરોડનું બજેટ મૂકવામાં આવ્યું હતું. ચાલુ વર્ષે ગત વર્ષ કરતાં રૂ. 2401 કરોડ વધુનું બજેટ રજૂ કરાયું છે. મ્યુનિસિપલ કમિશનર દ્વારા રજૂ કરવામાં આવેલા બજેટમાં પાંચ મહત્ત્વની બાબત પર ભાર મૂકવામાં આવ્યો છે, જેમાં વિકસિત અમદાવાદ 2047, નેટ ઝીરો અને કાર્બન ન્યૂટ્રલ, રેસિલિયન્ટ અને સસ્ટેનેબલ, ઝીરો વેસ્ટ અને સર્ક્યુલર ઈકોનોમી, લીવેબલ અને હેપ્પી સિટી બનાવવામાં આવશે.
આજે મ્યુનિસિપલ કમિશનર દ્વારા રજુ કરવામાં આવેલા બજેટમાં સીટી સ્ક્વેર બનાવવાનું આયોજન કરવામાં આવ્યું છે. શહેરના સૌથી પોશ વિસ્તાર ગણાતા એવા સિંધુભવન રોડ ઉપર સીટી સ્ક્વેર બનશે. જેમાં 125 મીટર ઊંચાઈનું કોર ટાવર બનાવવામાં આવશે. જેમાં ફૂડ કોર્ટ, એમ્ફી થિયેટર, ફાઉન્ટેન, સેન્ટ્રલ કોર્ટ, પ્લાન્ટેશન અને સ્કાય લાઇટ્સ હશે. સીટી સ્ક્વેર બનાવવા માટે કુલ 125 કરોડ રૂપિયાની જોગવાઈ મ્યુનિસિપલ કમિશનર દ્વારા કરવામાં આવી છે.
મ્યુનિસિપલ કમિશનર દ્વારા શહેરમાં ટ્રાફિક સમસ્યાને લઈ 40 જગ્યાએ સ્માર્ટ પાર્કિંગ બનાવવામાં આવશે. જેમાં ઓટોમેટેડ પાર્કિંગ સ્માર્ટ મોનિટરિંગનું સ્માર્ટ એપ્લિકેશન સાથે લીંક કરવામાં આવશે. પાર્કિંગની જગ્યાએ પહોંચવા મેપ સહિત ડિજિટલ રુપે પેમેન્ટ ચૂકવણી કરી શકાશે. દરેક ઝોન દીઠ પાંચ સ્ટ્રેટેજીક લોકેશન ઉપર પાર્કિંગ બનાવવામાં આવશે. ઓન રોડ અને ઓન રોડ એમ બંને પાર્કિંગ કરાશે જેના માટે રૂપિયા પાંચ કરોડની જોગવાઈ કરાઈ છે.
વર્ષ 2024-25ના ડ્રાફ્ટ બજેટમાં મ્યુનિસિપલ કમિશનર દ્વારા સાબરમતી રિવરફ્રન્ટમાં પણ નવું આયોજન કરાયું છે. સાબરમતી નદીના પશ્ચિમ તરફ બાયોડાયવર્સિટી પાર્કમાં મેડીટેશન કમ યોગા સેન્ટર બનાવવામાં આવશે. ટાગોર હોલની પાછળ કલ્ચર, ક્ધવેશન અને બિઝનેસ સેન્ટર બનાવવામાં આવશે. ગાંધીબ્રિજથી નહેરુબ્રિજની વચ્ચે સ્ટ્રેચ તથા ગુજરી બજાર ખાતે વહિકલ પાર્કિંગ પ્લોટ બનશે. નદીના પૂર્વ અને પશ્ચિમ તરફ લોઅર પ્રોમિનાર્ડમાં ગ્રીન વોલ પણ બનાવવામાં આવશે. અઈં સેલ ની સ્થાપના કરવામાં આવશે જેમાં સીસીટીવી ડ્રોન, મોબાઈલ ફોન, ડેશ કેમેરા જેવા વિવિધ અઈં કેમેરા દ્વારા શહેરનું મોનિટરિંગ કરવામાં આવશે. ઊછઙ હેઠળના ઇંછખજ, પ્રોપર્ટી ટેક્સ જેવા મોડ્યુલમાં અઈંનો ઉપયોગ થશે. બજેટમાં નાગરિકોના પ્રોપર્ટી ટેક્સમાં કોઈ પણ પ્રકારનો વધારો કરવામાં આવ્યો નથી.