પુષ્પા 2 રિલીઝ પહેલા જ થઈ અલ્લૂ અર્જુનની ફિલ્મે 900 કરોડનો બિઝનેસ કર્યો

અલ્લુ અર્જુનની ફિલ્મ પુષ્પા 2ની ચાહકો આતુરતાથી રાહ જોઈ રહ્યા છે. આ ફિલ્મ ડિસેમ્બરમાં રિલીઝ થવા જઈ રહી છે. ત્યારે આ ફિલ્મે રિલીઝ પહેલા જ 900 કરોડ રૂપિયાનો બિઝનેસ કરી લીધો છે.

અલ્લુ અર્જુનની પુષ્પા સુપરહિટ સાબિત થઈ હતી. આ ફિલ્મને એટલી પસંદ કરવામાં આવી કે લોકો તેના ફેન બની ગયા હતા અને ત્યારથી તેના બીજા પાર્ટની રાહ જોવાઈ રહી હતી. અલ્લુ અર્જુનની ફિલ્મ ‘પુષ્પા 2’ને લઈને ભારે ચર્ચા છે. આ ફિલ્મ 6 ડિસેમ્બરે સિનેમાઘરોમાં આવવા જઈ રહી છે. ફિલ્મનું કામ નવેમ્બરની શરૂઆતમાં પૂર્ણ થઈ જશે. પુષ્પા 2 આ વર્ષની મોસ્ટ અવેટેડ ફિલ્મોમાંની એક છે. ત્યારે જણાવી દઈએ કે પુષ્પા 2 એ રિલીઝ પહેલા જ કરોડોનો બિઝનેસ કરી લીધો છે.

પુષ્પાનો પહેલો પાર્ટ વર્ષ 2021માં આવ્યો હતો. જ્યારથી ફિલ્મના બીજા પાર્ટની જાહેરાત થઈ ત્યારથી જ ચાહકો તેની રિલીઝની રાહ જોઈ રહ્યા હતા. ત્યારે આ ફિલ્મે રિલીઝ પહેલા ડિજિટલ રાઈટ્સથી કરોડોનો બિઝનેસ કર્યો છે. પુષ્પા: ધ રૂલ એ પ્રી-રિલીઝ બિઝનેસથી 900 કરોડ રૂપિયાની કમાણી કરી લીધી છે. જ્યાંથી આ ડીલ કન્ફર્મ કરવામાં આવી છે, તેમાં બે OTT પ્લેટફોર્મ અને સેટેલાઇટ રાઇટ્સ સામેલ છે.

આટલામાં વેચાયા OTT રાઇટ્સ

રિપોર્ટ્સનું માનીએ તો પુષ્પા 2 એ રિલીઝ પહેલા જ 900 કરોડ રૂપિયાનો બિઝનેસ કરી લીધો છે. આ ફિલ્મે OTT રાઇટ્સ અને સેટેલાઇટ રાઇટ્સથી 900 કરોડ રૂપિયાનો બિઝનેસ કરી લીધો છે. જોકે, મેકર્સે હજુ સુધી ફિલ્મના ડિજિટલ રાઈટ્સ અંગે કોઈ સત્તાવાર જાહેરાત કરી નથી. રિપોર્ટ્સનું માનીએ તો ફિલ્મ જબરદસ્ત બિઝનેસ કરશે. જો કેટલાક રિપોર્ટ્સનું માનીએ તો ફિલ્મના થિયેટ્રિકલ રાઇટ્સ 650 કરોડ રૂપિયામાં વેચાયા છે.

પુષ્પા 2નું બજેટ 500 કરોડ રૂપિયા હોવાનું કહેવાય છે. એવામાં નિર્માતાઓ ફિલ્મની રિલીઝ પહેલા મહત્તમ બિઝનેસ કરવાની યોજના બનાવી રહ્યા છે. એવું સામે આવ્યું છે કે Netflix એ પુષ્પા 2 ના OTT રાઇટ્સ ખરીદ્યા છે. તેમાં વિવિધ ભાષાઓ તેલુગુ, હિન્દી, તમિલ, કન્નડ અને મલયાલમનો સમાવેશ થાય છે. તેના રાઇટ્સ 270 કરોડ રૂપિયામાં વેચાયા છે. તેણે એમેઝોન પ્રાઇમ વીડિયો સાથેની ડીલને પાછળ છોડી દીધી છે. પુષ્પાના પહેલા પાર્ટના OTT રાઇટ્સ 50 કરોડ રૂપિયામાં ખરીદવામાં આવ્યા હતા. એવામાં અંદાજ લગાવી શકાય છે કે ફિલ્મ પાસેથી ખૂબ જ અપેક્ષાઓ છે.

જણાવી દઈએ કે પુષ્પા 2 પહેલા 15 ઓગસ્ટે રિલીઝ થવાની હતી, પરંતુ મેકર્સે તેને મુલતવી રાખીને ડિસેમ્બરના પહેલા અઠવાડિયામાં રિલીઝ કરવાનો નિર્ણય લીધો હતો. આ ફિલ્મનું નિર્દેશન સુકુમાર દ્વારા કરવામાં આવ્યું છે. કહેવામાં આવી રહ્યું છે કે પુષ્પા 2 નું ટ્રેલર જલ્દી જ રિલીઝ કરવામાં આવશે. તેનું ટીઝર અલ્લુ અર્જુનના જન્મદિવસ પર આવ્યું હતું. આ પ્રી-રિલીઝ બિઝનેસના કલેક્શનને જોઈને અંદાજ લગાવી શકાય છે કે ફિલ્મ કેટલો મજબૂત બિઝનેસ કરવા જઈ રહી છે.