અયોધ્યા ચોકના સેન્ટર ગાર્ડન ગ્રાઉન્ડને ધ્રુજાવવા ખેલૈયાઓમાં અદમ્ય ઉત્સાહ
ખાસ-ખબર ન્યૂઝ રાજકોટ
રાજકોટની કલાપ્રેમી અને ગરબાપ્રેમી પ્રજા માટે દર વર્ષની જેમ આ વર્ષે પણ તા. 2 ઓક્ટોબરના ગુરુવારના સાંજે 7થી 10-30 સેન્ટર ગાર્ડન ગ્રાઉન્ડ, ઓસ્કાર સ્કાય સિટીની બાજુમાં રાધાપાર્ક મેઈન રોડ, અયોધ્યા ચોક પાસે, 150 ફૂટ રીંગ રોડ, ચાયવાલા કાફેની બાજુના રોડ પર ‘અકિલા’ પરિવારના અશોકભાઈ બગથરિયા અને સંદીપભાઈ બગથરિયાની પિતા-પુત્રની જુગલજોડી દ્વારા બાન લેબ, એસ.એસ. સ્વીટ્સ, યુનિટી સિમેન્ટ અને જેએમજે પ્રોજેક્ટના સહકારથી ‘અકિલા’ બેસ્ટ ઓફ બેસ્ટ 2025 રાસોત્સવનું ભવ્ય આયોજન કરવામાં આવ્યું છે. આ રાસોત્સવ કંઈક અનોખો અને અદ્ભુત રહેવાનો છે, કારણ કે આ રાસોત્સવમાં ખેલૈયાઓ પોતાનું કૌવત- કલા દ્વારા શ્રેષ્ઠતા પૂરવાર કરવા ગરબા રમશે. શ્રેષ્ઠમાંથી સર્વશ્રેષ્ઠની પસંદગી આ રાસોત્સવમાં થશે. સંપૂર્ણ પારિવારીક માહોલ અને આધુનિક લાઈટ, માઈક સાઉન્ડ સિસ્ટમથી સુસજ્જ એવા આ રાસોત્સવની ભવ્ય તૈયારીઓ બગથરિયા પિતા-પુત્ર દ્વારા કરવામાં આવી રહી છે. રાસોત્સવને યાદગાર બનાવવા શ્રેષ્ઠ ગાયકો, શ્રેષ્ઠ ઓરકેસ્ટ્રા અને શ્રેષ્ઠ એન્કર સેવા આપનાર છે. મિલનમસ્ત હાસ્ય કલાકાર આ રાસોત્સવમાં એન્કરની ભૂમિકા ભજવી જબરી વાહ-વાહ મેળવશે. ભક્તિ અને શક્તિના પ્રાચીન-અર્વાચીન ગરબા ઉપરાંત ગાયકો કેટલાક નવા-નવા નઝરાણા રજૂ કરી રાસોત્સવને યાદગાર બનાવશે.
- Advertisement -
કાર્યક્રમને માણવા હજારો લોકો ઉમટી પડવાના હોય સુરક્ષાની પણ ચુસ્ત વ્યવસ્થા કરવામાં આવી છે. આ રાસોત્સવમાં વિજેતા બનનારને લાખેણા ઈનામો અપાશે. સમગ્ર રાસોત્સવનું લાઈવ પ્રસારણ અકિલા ડોટ કોમના ફેસબૂક પર તથા ડેન આરસીસી કેબલ નેટવર્ક રાજકોટ પર કરવામાં આવશે. આ કાર્યક્રમ માટે મિલન કોઠારીનો ખાસ સહયોગ પ્રાપ્ત થયો છે.
‘અકિલા’ દૈનિકના પ્રેસ ફોટોગ્રાફર અને રાજકોટ પ્રેસ ફોટોગ્રાફર અને ઈલેકટ્રોનિક કેમેરામેન એસો.ના પ્રમુખ અશોકભાઈ બગથરિયા અને ‘અકિલા’ના યુવા પ્રેસ ફોટોગ્રાફર સંદીપભાઈ બગથરિયાએ આ કાર્યક્રમમાં ઉપસ્થિત રહેવા આમંત્રિતોને જણાવ્યું છે. કાર્યક્રમને સફળ બનાવવા તેમની ટીમ દિવસ-રાત એક કરી રહી છે. બધાંથી કંઈક અલગ, કંઈક નવું, કંઈક અનોખું ખેલૈયાઓનું કૌવત માણવાનો મોકો ચૂકવા જેવો નથી.
‘અકિલા’ બેસ્ટ ઓફ બેસ્ટ રાસોત્સવમાં સમાજના તમામ શ્રેષ્ઠીઓ ઉપસ્થિત રહી ખેલૈયાઓને બિરદાવશે. આ કાર્યક્રમનું દિપ પ્રાગટ્ય સાંસદ પરસોતમભાઈ રૂપાલા, સાંસદ રામભાઈ મોકરીયા, ભાનુબેન બાબરીયા મંત્રી ગુજરાત રાજ્ય, ઉદયભાઈ કાનગડ ધારાસભ્ય રાજકોટ, રમેશભાઈ ટીલાળા ધારાસભ્ય, ડો. દર્શિતાબેન શાહ ધારાસભ્ય, નયનાબેન પેઢડીયા મેયર રાજકોટ, ભરતભાઈ બોઘરા પ્રદેશ ભાજપ ઉપાધ્યક્ષ, ડો. ઓમપ્રકાશ કલેકટર રાજકોટ, તુષારભાઈ સુમેરા કમિશનર રાજકોટ મ્યુ. કોર્પોરેશન, બ્રજેશકુમાર ઝા પોલીસ કમિશનર રાજકોટ શહેર, મહેન્દ્રભાઈ બગડીયા જોઈન્ટ પોલીસ કમિશનર રાજકોટ શહેર, મનોહરસિંહ જાડેજા એસ.પી. મોડાસા-અરવલ્લી, મૌલેશભાઈ ઉકાણી બાનલેબ પ્રા. લિ., હરપાલસિંહ જાડેજા ડીસીપી ટ્રાફિક બ્રાન્ચ, જગદીશ બાંગરવા ડીસીપી ક્રાઈમ બ્રાન્ચ રાજકોટ શહેર, હેતલ પટેલ ડીસીપી ઝોન-1 રાજકોટ શહેર, રાકેશ દેસાઈ ડીસીપી ઝોન-2 રાજકોટ શહેર, નીતિનભાઈ ભારદ્વાજ માજી સ્ટેન્ડિંગ ચેરમેન (ભાજપ અગ્રણી), ભૂપતભાઈ બોદર માજી રાજકોટ જિલ્લા પંચાયત પ્રમુખ, જીતુભાઈ લીંબાસીયા ડેવલોપર્સ (ખરેડીવાળા), જયમીનભાઈ ઠાકર સ્ટેન્ડિંગ કમિટી ચેરમેન આર.એમ.સી., નરેન્દ્રસિંહ જાડેજા (ટીકુભા) ડેપ્યુટી મેયર રાજકોટ મનપા, મયુરધ્વજસિંહ જાડેજા ચેરમેન જે.એમ.જે. ગ્રુપ, તીર્થરાજસિંહ ગોહીલ પ્રમુખ રાજપૂત કરણી સેના, નીતિનભાઈ નથવાણી સિટી ન્યૂઝ ચેનલ રાજકોટ ઉપસ્થિત રહેશે. સમગ્ર રાસોત્સવને સફળ બનાવવા બગથરિયા પિતા-પુત્રના વડપણ હેઠળ નરેન્દ્રભાઈ બાંભલા યુવા ઉદ્યોગપતિ રાજકોટ, અશોકભાઈ પટેલ (મોટામવા) કાઠીયાવાડી જલસા, વિશ્ર્વરાજસિંહ આર. જાડેજા (વાવડી) કાઠીયાવાડી જલસા, ભૂપતભાઈ બસીયા ભાજપ અગ્રણી વોર્ડ નં. 12, મીલનભાઈ કોઠારી ચેરમેન સાંસ્કૃતિક સેલ ભાજપ રાજકોટ, જગદીશ પટેલ શિવશક્તિ ડેરી ફાર્મ મવડી મેઈન રોડ રાજકોટ, જયેશભાઈ સોરઠીયા શૈલેષ ગ્રુપ મવડી રાજકોટ, દિનેશભાઈ આર. ચાવડા બિલ્ડર્સ (મુછડી), દીપેન તન્ના યુવા પત્રકાર, રોહીત પટેલ (ચરખડી) ગુણાતીત પ્રોસેસીંગ, પારસભાઈ અનિલભાઈ રાઠોડ કે.ડી. ક્ધસ્ટ્રકશન રાજકોટ, જયભાઈ ખારા જૈન યુવા અગ્રણી, જીતુભાઈ રાઠોડ હર્ષ ક્ધસ્ટ્રકશન, પારસભાઈ સંઘાણી શેર પોઈન્ટ એમપાવર, સુરુભા જાડેજા (રાવકી) જય ઓટો એડવાઈઝર્સ (આરટીઓ) મવડી મેઈન રોડ, ધર્મેશભાઈ ઢાંકેચા (સરધાર) રાજકોટ ખોડલધામ ક્ધવીનર, જય બોરીચા યુવા ભાજપ પ્રમુખ વોર્ડ 13, કિશનભાઈ સખીયા યુવા એડવોકેટ, બાલાભાઈ વાજા ક્લાસીક એન્ટરપ્રાઈઝ, સંદીપભાઈ બગથરિયા રાધે એન્ટરપ્રાઈઝ, યોગેશ બગથરિયા યુવા અગ્રણી બિલ્ડર, પ્રશાંત ગોંડલિયા યુવા અગ્રણી, નિરવ વાઘેલા રામનાથ જ્વેલર્સ, સંદીપ બગથરિયા અકિલા પ્રેસ ફોટોગ્રાફર રાજકોટ જહેમત ઉઠાવી રહેલ છે.
