એરફોર્સ 67,000 કરોડનાં 97 સ્વદેશી જેટ એરક્રાફ્ટ ખરીદવા તૈયાર!

ફાઈટર જેટ તેજસનું તેજ વધ્યું

ભારતીય વાયુસેનાએ વર્ષ 2021માં 83 તેજસ જેટ એરક્રાફ્ટ ખરીદવા માટે ઇંઅક સાથે કરાર કર્યો હતો

હવે જો 97 ફાઈટર જેટ ખરીદવાની ડીલને મંજૂરી મળી જશે તો 180 તેજસ જેટ સામેલ થશે

ખાસ-ખબર સંવાદદાતા
25 નવેમ્બરે વડાપ્રધાન નરેન્દ્ર મોદીએ તેજસ ઉડાનની ઉડાન ભર્યા બાદ ટ્વીટ કરીને તેજસની પ્રશંસા કરી અને તેની સ્વદેશી ક્ષમતાઓ પર વિશ્ર્વાસ પણ વ્યક્ત કર્યો હતો. પીએમ મોદી તરફથી પ્રશંસા મળ્યા બાદ એરફોર્સ 97 સ્વદેશી ફાઈટર જેટ તેજસ ખરીદવાની યોજના બનાવી રહી છે. એરફોર્સે તેજસ કઈઅ ખસ1અ જેટ ખરીદવાનો પ્રસ્તાવ આપ્યો છે. આ જેટ 7 અબજ ડોલર એટલે કે 67,000 કરોડ રૂપિયામાં ખરીદવામાં આવશે. જો કે સંરક્ષણ મંત્રાલય તરફથી હજુ મંજૂરી મળવાની બાકી છે. રક્ષા મંત્રાલયની ડિફેન્સ એક્વિઝિશન કાઉન્સિલ (ડીએસી) સંરક્ષણ સોદા અંગે અંતિમ નિર્ણય લે છે. સંરક્ષણ મંત્રી રાજનાથ સિંહ તેના અધ્યક્ષ છે. 30મી નવેમ્બરે ઉઅઈની બેઠક યોજાવાની છે, જેમાં તેજસ ખરીદવાના પ્રસ્તાવ પર નિર્ણય લેવામાં આવશે. પહેલાથી જ ભારતીય વાયુસેના દ્વારા તેજસ ખસ1 જેટના બે સ્ક્વોડ્રનનું સંચાલન કરવામાં આવે છે, જેમાં પ્રારંભિક અને અંતિમ ઓપરેશનલ ક્લિયરન્સ વેરિઅન્ટમાં 20 સ્ક્વોડ્રનનો સમાવેશ થાય છે. વડા પ્રધાન મોદીની અધ્યક્ષતામાં સુરક્ષા પરની કેબિનેટ સમિતિની મંજૂરી બાદ, 83 કઈઅ ખઊં1અ વેરિઅન્ટ્સ માટે યુએસ 6 બિલિયનનો ઓર્ડર ફેબ્રુઆરી 2021માં ઇંઅક સાથે મૂકવામાં આવ્યો હતો, જેની ડિલિવરી 2024 સુધીમાં થશે. આનો ઉપયોગ 1960ના દાયકાના સોવિયેત યુગના મિગ-21ને બદલવા માટે કરવામાં આવશે. 83 તેજસ ખરીદવા માટે રૂ. 46,898 કરોડના કરાર પર હસ્તાક્ષર કરવામાં આવ્યા છે અને હવે એરફોર્સ વધુ 97 તેજસ જેટ એરક્રાફ્ટ ખરીદવાની યોજના બનાવી રહી છે. જો પ્રસ્તાવ મંજૂર થશે તો 180 તેજસ જેટનો સમાવેશ થશે.

વાયુસેનાનો મહત્વનો ભાગ બનશે તેજસ
83-જેટ ઓર્ડરમાં કઈઅ ખસ1અ ના સાત ટ્રેનર વેરિઅન્ટનો પણ સમાવેશ થાય છે. આ રીતે, તેજસ એરક્રાફ્ટનો આ સેટ ભારતીય વાયુસેનાના ઓછામાં ઓછા ચાર ફાઇટર સ્ક્વોડ્રનને સજ્જ કરવા માટે પૂરતો હશે. જો 97 તેજસ જેટ ખરીદવાની પણ મંજૂરી આપવામાં આવે તો આ વધારાના તેજસ એરક્રાફ્ટ અન્ય પાંચ ફાઈટર સ્ક્વોડ્રન માટે પૂરતા હશે. આમ, તેજસ આગામી વર્ષોમાં ભારતીય વાયુસેનાની લડાયક શક્તિનો એક મહત્વપૂર્ણ ભાગ બનશે, જેમાં 42 મંજૂર ફાઇટર સ્ક્વોડ્રનમાંથી ઓછામાં ઓછા દસ સ્વદેશી ફાઇટર જેટનું સંચાલન કરશે.

તેજસની વિશેષતાઓ
– એલ્યુમિનિયમ, લિથિયમ એલોય, કાર્બન ફાઇબર કમ્પોઝીટ અને ટાઇટેનિયમ એલોય સ્ટીલની બોડી ધરાવે છે
– તેજસ હળવા વજનના ફાઇટર એરક્રાફ્ટ છે
– તેનું વજન 6560 કિલો છે અને તે 1.6 ખફભવ ની ઝડપે ઉડે છે
– લેન્ડિંગ અને ટેક ઓફ માટે ઓછી જગ્યાની જરૂર પડે છે
– તેમાં સ્થાપિત રડારને કારણે તે હવાથી હવામાં અને હવાથી જમીન પરના હુમલામાં અસરકારક છે
– તે તમામ પ્રકારના હવામાનમાં કામ કરી શકે છે અને તેના 50 ટકા સ્પેરપાર્ટસ ભારતમાં જ બનાવવામાં આવે છે

અમેરિકા પણ તેજસથી પ્રભાવિત
આર્જેન્ટિના, નાઇજીરિયા, ફિલિપાઇન્સ અને ઇજિપ્ત જેવા દેશોને તેજસ જેટ ખરીદવામાં રસ છે જે બાબતે ઇંઅક તેજસના નિકાસની શક્યતાઓ શોધી રહી છે. તેજસની વિશેષતાઓથી તે દેશ ખૂબ પ્રભાવિત છે, પરતું હજુ સુધી કોઈ દેશ તરફથી કોઈપણ પ્રકારની ડીલ ફાઈનલ થઇ નથી. નાઈજીરીયાએ પણ તેજસમાં રસ દેખાડ્યો છે. તાજેતરમાં ઇંઅકના એન્જિનિયરો પણ 12 તેજસ જેટના સોદા માટે ફિલિપાઈન્સના મનીલા ગયા હતા. જો કે, ફિલિપાઈન્સ તેના ઋઅ-50 ફાઈટર જેટ અંગે સાઉથ કોરિયા સાથે પણ વાતચીત કરી રહ્યું છે, તેથી તેજસ ડીલ અંગે શંકા છે. આ દેશો સાથે ડીલ રોકવા પાછળનું કારણ ગમે તે હોય, પરંતુ આ તમામ દેશો તેજસથી ખૂબ જ પ્રભાવિત છે. અમેરિકા, ઓસ્ટ્રેલિયા અને ઈન્ડોનેશિયાએ પણ તેજસમાં રસ દાખવ્યો છે.