જૂનાગઢ મનપા ચૂંટણીના મતગણતરી સેન્ટરની તૈયારીઓને આખરી ઓપ
ખાસ-ખબર ન્યૂઝ જૂનાગઢ, તા.15
જૂનાગઢ મહાનગરપાલિકાની ચૂંટણી તા.16 ફેબ્રુઆરીના રોજ છે. મતદાન બાદ મતગણતરી તા.18 ફેબ્રુઆરીના રોજ જૂનાગઢ કૃષિ યુનિવર્સિટીની એન્જિનિયરિંગ કોલેજ બિલ્ડિંગમાં થવાની છે. રાજય ચૂંટણી આયોગના માર્ગદર્શનમાં અને ચૂંટણીની વિવિધ જોગવાઈઓની અમલવારી સાથે નિયમ અનુસાર મતગણતરીની પ્રક્રિયા શાંતિપૂર્ણ રીતે થાય તે માટે જુનાગઢ જિલ્લા ચૂંટણી તંત્ર દ્વારા છેલ્લા કેટલાક દિવસોથી રાઉન્ડ ધ કલોક કામગીરી ચાલી રહી છે. જિલ્લા ચૂંટણી અધિકારી અનિલ કુમાર રાણાવસિયાના માર્ગદર્શનમાં મત ગણતરીની કામગીરીની અંગેની તૈયારીઓને પણ આખરી ઓપ આપવામાં આવી રહ્યો છે.
- Advertisement -
જો વાત કરવામાં આવે મતગણતરી સેન્ટરની તો જુનાગઢ કૃષિ યુનિવર્સિટી એન્જિનિયરિંગ બિલ્ડીંગ માં કુલ ચાર બ્લોક કાઉન્ટિંગ માટે તૈયાર કરવામાં આવ્યા છે, જેમાં વોર્ડ નંબર એક થી ચાર, વોર્ડ નંબર ત્રણ થી આઠ, વોર્ડ નંબર નવ થી અગિયાર, અને વોર્ડ નંબર બારથી પંદર એ રીતે ચાર બ્લોકમાં મતગણતરી મહત્તમ 14 રાઉન્ડ રાખી શકાય એ રીતે થવાની છે.18 ફેબ્રુ.ના રોજ સવારે 9 કલાકે થી મત ગણતરી થશે સૌપ્રથમ પોસ્ટલ બેલેટ પેપર અને સાથે ઇવીએમના મતોની ગણતરી નિયુક્ત સ્ટાફ દ્વારા કરવામાં આવશે .એક ટેબલ ઉપર ચાર કર્મચારી રહેશે.
