અયોધ્યા રામ મંદિરના ઉદ્ઘાટન બાદ રામલલાની આરતીમાં થઇ શકો છો સામેલ, આ રીતે મેળવો ઓનલાઇન પાસ

અયોધ્યા રામ મંદિર – ઉદ્ઘાટન બાદ રામ મંદિરમાં દરરોજ આરતી થશે જેમાં માત્ર પાસ લેનાર લોકો જ હાજરી આપી શકશે અને આ માટે લોકો મંદિરના કાઉન્ટર પરથી કે ઘર બેઠા ઓનલાઈન બુક કરાવી શકો છો.

રામની નગરી અયોધ્યામાં ભગવાનના સ્વાગતની તૈયારીઓ પૂરજોશમાં ચાલી રહી છે. લગભગ તમામ કામગીરી પૂર્ણતાના આરે છે. સમગ્ર શહેરને શણગારવામાં આવી રહ્યું છે. 22 જાન્યુઆરીએ રામલલા એમના ભવ્ય મહેલમાં બિરાજમાન થશે અને 23 જાન્યુઆરીથી ભક્તો અયોધ્યા જઈને ભગવાન રામની પૂજા કરી શકશે.

ઉદ્ઘાટન બાદ રામ મંદિરમાં દરરોજ આરતી થશે જેમાં માત્ર પાસ લેનાર લોકો જ હાજરી આપી શકશે અને આ માટે લોકો મંદિરના કાઉન્ટર પરથી પાસ ઑફલાઇન પણ લઈ શકો છો. જે લોકો અયોધ્યા જવાનું વિચારી રહ્યા છે અને જેમને રામલલાની આરતીનો લ્હાવો ઉઠાવો છે પરંતુ કાઉન્ટર પર લાઇન લગાવીને પાસ નથી બનાવવા માંગતા તો ઓનલાઈન ઘરે બેસીને પણ પાસ બુક કરાવવાની સુવિધા પણ શરૂ કરવામાં આવી છે.

હા, રામ લલાની આરતીમાં હાજરી આપવા માટે તમે ઘરે બેઠા ઓનલાઈન પાસ લઈ શકો છો. જણાવી દઈએ કે, બુકિંગ સેવા 28 ડિસેમ્બરથી શરૂ થઈ ગઈ છે. જો તમે શ્રી રામ જીની આરતીમાં જવા માંગતા હો, તો જાણો કેવી રીતે તમે ઓનલાઈન પાસ બુક કરાવી શકો છો.

અયોધ્યામાં દિવસમાં ત્રણ વખત ભગવાન રામ લાલાની આરતીનો કાર્યક્રમ યોજાશે. પ્રથમ આરતી સવારે 6.30 કલાકે, બીજી બપોરે 12 કલાકે અને ત્રીજી સાંજે 7.30 કલાકે થશે. આ આરતીમાં ભાગ લેવા માટે ભક્તોએ પાસ મેળવવાનો રહેશે. આરતીના એક સ્લોટમાં માત્ર 30 લોકોને જ એન્ટ્રી મળશે અને પાસ વગરના લોકોને આરતીમાં આવવાની મંજૂરી નથી.

આ રીતે પાસ ઓનલાઈન બુક કરો
– ઓનલાઈન પાસ બુક કરવા માટે પહેલા રામ જન્મભૂમિ તીર્થ ક્ષેત્રની સત્તાવાર વેબસાઈટ srjbtkshetra.org પર જાઓ.
– અહીં હોમપેજ અને આરતી વિભાગ પસંદ કરો.
– અહીંથી તમે કઈ આરતીમાં ભાગ લેવા માંગો છો એ પસંદ કરો
– આ પછી અન્ય જરૂરી વિગતો સાથે નામ, ફોટો, સરનામું અને મોબાઈલ નંબર ભરવાનો રહેશે.
– આ પછી તમે આરામથી આરતી સમારોહમાં પણ ભાગ લઈ શકો છો.

મંદિરમાં કયા સમયે દર્શન શરૂ થાય છે?
અયોધ્યાનું રામ મંદિર 23 જાન્યુઆરીથી ભક્તો માટે ખોલવામાં આવશે. 22મી જાન્યુઆરીએ ભગવાન રામ તેમના ભવ્ય મહેલમાં બિરાજમાન થશે ત્યારે સામાન્ય ભક્તો 23મી જાન્યુઆરીથી દર્શન અને પૂજા કરી શકશે. જોકે, અત્યારે ભગવાન રામ અસ્થાયી મંદિરમાં હાજર છે. સવારે ખુલવાનો સમય સવારે 7 થી 11 નો છે. ભક્તો બપોરે 2 થી 7 વાગ્યા સુધી દર્શન કરી શકશે.