ખેલાડી અક્ષય કુમાર કોરોના પોઝિટિવ, અનંત-રાધિકાના લગ્નમાં હાજરી નહીં આપી શકે

અભિનેતા અક્ષય કુમાર અનંત અંબાણી અને રાધિકા મર્ચન્ટના લગ્ન સમારોહમાં હાજર નહિ રહે, આજે જ રીલીઝ થઈ છે

અક્ષય કુમારની ફિલ્મ સરફિરા

અનંત અંબાણી અને રાધિકા મર્ચન્ટના લગ્નની વચ્ચે અક્ષય કુમારને લઈ મોટી અપડેટ સામે આવી છે. હાલ અનંત-રાધિકાના લગ્નને લઈ દેશ-વિદેશથી મહેમાનો અંબાણી પરિવારના મહેમાન બની રહ્યા છે. જેમાં બૉલીવુડના કલાકારો પણ બાકાત નથી. જોકે અભિનેતા અક્ષય કુમાર આ લગ્ન સમારોહમાં હાજર નહિ રહે. વાસ્તવમાં અક્ષય કુમાર ‘સરફિરા’ના પ્રમોશન દરમિયાન તેને કોરોનાનો ચેપ લાગ્યો હતો. જેણે લઈ હવે અક્ષય કુમારે પોતાને આઇસોલેટ કરી દીધો છે.

બોલિવૂડ એક્ટર અક્ષય કુમાર અનંત અંબાણી અને રાધિકા મર્ચન્ટના લગ્નનો ભાગ નહીં હોય. ‘સરફિરા’ના પ્રમોશન દરમિયાન તેને કોરોનાનો ચેપ લાગ્યો હતો. અક્ષય કુમારનો કોરોના રિપોર્ટ પોઝિટિવ આવ્યો છે અને તેણે પોતાને આઈસોલેટ કરી લીધો છે. માત્ર અક્ષય કુમાર જ નહીં, ‘સરફિરા’ની ટીમના કેટલાક અન્ય લોકો પણ કોરોના પોઝિટિવ મળ્યા છે.

જાણો અક્ષય કુમારને કોરોનાનો ચેપ કરી રીતે લાગ્યો ?

‘સરફિરા’ના પ્રોડક્શન હાઉસની નજીકના એક સૂત્રએ કહ્યું છે કે, અક્ષય કુમાર તેની ફિલ્મ ‘સરફિરા’નું પ્રમોશન કરી રહ્યો હતો. પ્રમોશન સમયે તેમની તબિયત બગડવા લાગી હતી. પછી તેને માહિતી મળી કે પ્રમોશન ટીમના કેટલાક ક્રૂ મેમ્બર કોવિડ પોઝીટીવ મળી આવ્યા છે. આ માહિતી મળ્યા પછી તેણે તેનો કોવિડ ટેસ્ટ કરાવ્યો અને શુક્રવારે સવારે તેનો રિપોર્ટ પોઝિટિવ આવ્યો. પોઝિટિવ ટેસ્ટને કારણે અભિનેતા ન તો ‘સરાફિરા’ને પ્રમોટ કરશે અને ન તો અનંત અંબાણીના લગ્નમાં હાજરી આપશે.

અક્ષયની આ ફિલ્મ આજે જ સિનેમાઘરોમાં રિલીઝ થઈ

સૂત્રએ એ પણ કહ્યું કે, અક્ષયે એક જવાબદાર વ્યક્તિ હોવાને કારણે તરત જ પોતાને અલગ કરી લીધો હતો અને હાલમાં તે ક્વોરેન્ટાઇનમાં છે. જે ફિલ્મના પ્રમોશન દરમિયાન અક્ષય કુમારને કોરોનાનો ચેપ લાગ્યો હતો તે ફિલ્મ આજે જ સિનેમાઘરોમાં રિલીઝ થઈ છે. આ ફિલ્મનું નામ છે ‘સરાફિરા’ અને આ ફિલ્મમાં અક્ષયની સાથે રાધિકા મદાન છે.