રાજકોટ મનપા દ્વારા જાહેરમાં ગંદકી અને કચરો ફેંકતા લોકો સામે કાર્યવાહી

20 નાગરિકોને દંડ ફટકારી 3.4 કિલો પ્રતિબંધિત પ્લાસ્ટિક જપ્ત
ખાસ-ખબર સંવાદદાતા
સ્વચ્છતા અભિયાન અંતર્ગત મહાનગરપાલિકાના સોલિડ વેસ્ટ મેનેજમેન્ટ વિભાગ દ્વારા ત્રણેય ઝોનમાં ઝુંબેશના રૂપે સઘન સફાઈની કામગીરી હાથ ધરવામાં આવી હતી, જેમાં ત્રણેય ઝોનમાં જાહેરમાં ગંદકી ફેલાવતા અને કચરો ફેંકતા કુલ 20 નાગરિકો સામે દંડની કાર્યવાહી કરવામાં આવી હતી. અને 3.4 કી.ગ્રા. પ્રતિબંધિત પ્લાસ્ટિક જપ્ત કરવામાં આવ્યો હતો.શહેરમા મધ્ય ઝોનના વોર્ડ નં.02, 03, 07, 13, 14 તથા 17ના વોર્ડના સેનેટરી ઇન્સપેકટર તથા સેનેટરી સબ-ઇન્સપેકટરની ટીમ દ્વારા સઘન સફાઇ, પ્રતિબંધિત પ્લાસ્ટીક ચેકીંગ તથા જાહેરમાં ન્યુસન્સ કરતા નાગરિકોને દંડ કરવાની ઝુંબેશ હાથ ધરવામાં આવ્યુ હતુ.
મધ્ય ઝોન વિસ્તારમાં 5 નાગરિકો સામે કાર્યવાહી કરી 0.8 કી.ગ્રા. પ્રતિબંધિત પ્લાસ્ટિકનો જથ્થો જપ્ત કરવામાં આવ્યો હતો. જ્યારે પશ્ચિમ ઝોનના વોર્ડ નં.01, 08, 09, 10, 11 તથા 12મા 10 નાગરિકો જાહેરમાં ન્યુસન્સ કરવા બદલ કાર્યવાહી કરવામાં આવી હતી અને 2.5 કી.ગ્રા. પ્રતિબંધિત પ્લાસ્ટિકનો જથ્થો જપ્ત કરવામાં આવ્યો હતો. આ ઉપરાંત પુર્વ ઝોનના વોર્ડ નં.04, 05, 06, 15, 16 તથા 18મા ચેકીંગ દરમિયાન જાહેરમાં ન્યુસન્સ 5 નાગરિકો કાર્યવાહી કરી 0.1 કી.ગ્રા. પ્રતિબંધિત પ્લાસ્ટિકનો જથ્થો જપ્ત કરવામાં આવ્યો હતો.