પોની ટેઈલ હેર સ્ટાઈલ કોઈ મહિલા રાખશે તો છ મહિનાની કેદ

સાઉથ કોરિયામાં મહિલાઓમાં પ્રસિધ્ધ પોની ટેઈલ હેર સ્ટાઈલ નોર્થ કોરિયામાં બેન

નોર્થ કોરિયાના સરમુખત્યાર કિમ જોંગ ઉનના આદેશો તાલિબાનોના ફતવા સાથે સરખાવી શકાય એવા હોય છે. દુશ્મન દેશ એટલે કે સાઉથ કોરિયામાં જે પ્રથાઓ, રીતરિવાજો પ્રચલિત હોય એના પર કિમ જોંગ પ્રતિબંધ મૂકી દે છે. પ્રતિબંધની લાંબી યાદીમાં હવે પોનીટેઈલનો પણ સમાવેશ થયો છે.

હવેથી ઉતર કોરિયામાં કોઈ પોનીટેઈલ નહીં રાખી શકે અને જો રાખશે તો માથું મૂંડી દેવામાં આવશે અને 6 મહિના સુધી જેલમાં રહેવું પડશે. કિમ જોંગને સાઉથ કોરિયા સાથે કટ્ટર દુશ્મની છે એ તો જગજાહેર છે.

દક્ષિણમાં જે પ્રચલિત હોય એના પર ઉત્તરમાં પ્રતિબંધ મૂકીને કિમ જોંગ દુશ્મની કાઢે છે. અત્યાર સુધીમાં કોરિયામાં જીન્સ પહેરવા પર પ્રતિબંધ છે. વાળ રંગવા, લાંબા વાળ રાખવા, ઈસ્ત્રીટાઈટ ટ્રાઉઝર પહેરવા, શોલ્ડર બેગ રાખવા, ડ્રેસ અને બ્લાઉઝ પર અર્ધ-પારદર્શક બાંય રાખવા પર પણ પ્રતિબંધ છે.