વોર્ડ નં.2માં વિકસિત ભારત સંકલ્પ યાત્રામાં સરકારી યોજનાનો કુલ 1981 લાભાર્થીઓએ લાભ લીધો

આવતીકાલ વોર્ડ નં.9માં વિકસિત ભારત સંકલ્પ યાત્રા યોજાશે
ખાસ-ખબર સંવાદદાતા
વિકસિત ભારતની કલ્પનાને ચરિતાર્થ કરવા વડાપ્રધાન નરેન્દ્રભાઇ મોદીના નેતૃત્વમાં દેશમાં અને મુખ્યમંત્રી ભૂપેન્દ્રભાઇ પટેલના વડપણ હેઠળની રાજય સરકાર દ્વારા વિકસિત ભારત સંકલ્પ યાત્રામાં કેન્દ્ર અને રાજય સરકારની વિવિધ જન કલ્યાણકારી યોજનાઓની માહિતી અને લાભો દરેક ઘર સુધી પહોંચાડવાનાં હેતુથી વિકસિત ભારત સંકલ્પ યાત્રાનું આયોજન કરવામાં આવેલ છે.
આ યાત્રા એટલે છેવાડાના પ્રત્યેક માનવી સુધી સરકારની યોજનાઓના લાભ પહોંચાડી તમને સશક્ત બનાવવાનો સંકલ્પ છે. રાજકોટ મહાનગરપાલિકા દ્વારા તા.28/11/ 2023થી તા.15/12/2023 સુધી દરેક વોર્ડમાં બે જુદા જુદા રૂટ પર સવાર અને બપોર બાદ આ યાત્રા દ્વારા લોકોને માહિતગાર કરવામાં આવનાર છે. જે અંતર્ગત તા.04/12/2023ના રોજ સવારના 9:30 કલાકે, વોર્ડ નં.2 માં ગોરધનદાસ મજીઠીયા પ્રાથમિક શાળા નંબર-60,અલકાપુરી 2/5 કોર્નર, છોટુનગર ખાતેથી વિકસિત ભારત સંકલ્પ યાત્રાનો શુભારંભ રાજકોટ શહેર ભાજપ પ્રમુખ મુકેશભાઈ દોશીના વરદ હસ્તે કરવામાં આવેલ. જ્યારે બપોર બાદ 3:30 કલાકે વોર્ડ નં.2માં મહર્ષિ દધિચિ પ્રાથમિક શાળા નંબર-59, બજરંગવાડી પાણીના ટાંકા પાછળ, પુનિતનગર ખાતે વિકસિત ભારત સંકલ્પ યાત્રાનો શુભારંભ ધારાસભ્ય ડો.દર્શિતા શાહના વરદ હસ્તે કરવામાં આવ્યો.
આ કાર્યક્રમના અધ્યક્ષ સ્થાને મેયર નયનાબેન પેઢડીયા ઉપસ્થિત રહેલ હતા. આ વોર્ડમાં યોજાયેલા ઉપરોક્ત બંને યોજનાકીય કેમ્પમાં સરકારશ્રીની જનહિતની વિવિધ યોજનાઓનો કુલ 1981 લાભાર્થીઓએ લાભ લીધેલ હતો. જેમાં , વોર્ડ નં.2 માં ગોરધનદાસ મજીઠીયા પ્રાથમિક શાળા નંબર – 60, અલકાપુરી 2/5 કોર્નર, છોટુનગર ખાતેના કેમ્પમાં 656 લોકોને અને વોર્ડ નં.2માં મહર્ષિ દધિચિ પ્રાથમિક શાળા નંબર-59, બજરંગવાડી પાણીના ટાંકા પાછળ, પુનિતનગર ખાતેના કેમ્પમાં 1325 નાગરિકોને વિવિધ સરકારી યોજનાઓનો લાભ પ્રાપ્ત થયો હતો.
આ કાર્યક્રમમાં રાજકોટ શહેર ભાજપ મુકેશભાઈ દોશી, ધારાસભ્ય ડો.દર્શીતાબેન શાહ, મેયર નયનાબેન પેઢડીયા, ડેપ્યુટી મેયર નરેન્દ્રસિંહ જાડેજા, સ્ટેન્ડિંગ કમિટી ચેરમેન જયમીનભાઈ ઠાકર, શાસક પક્ષ નેતા લીલુબેન જાદવ, શાસક પક્ષ દંડક મનીષભાઈ રાડીયા, શહેર ભાજપ મહામંત્રી ડો.માધવભાઈ દવે, વોર્ડ નં. 2ના કોર્પોરેટર મીનાબા જાડેજા, પૂર્વ કોર્પોરેટરશ્રી લીલાબા જાડેજા, વોર્ડ નં.2ના પ્રભારી કુલદિપસિંહ જાડેજા, પ્રમુખ રાજેન્દ્રસિંહ ગોહિલ, મહામંત્રી ભાવેશભાઈ ટોયટા, કૌશિકભાઈ અઢીયા, વિકસિત ભારત સંકલ્પ યાત્રાના ઇન્ચાર્જ વિજયભાઈ પાડલીયા, વિકસિત ભારત સંકલ્પ યાત્રાના સહ-ઇન્ચાર્જ જે.પી.ધામેચા, નીતિન વાઘેલા, તથા રાજકોટ મહાપાલિકાના અધિકારી/કર્મચારીઓ અને બહોળી સંખ્યામાં વિવિધ યોજનાઓના લાભાર્થીઓ ઉપસ્થિત રહ્યા હતા.