મોરબીના એક પણ થિયેટરોમાં ફિલ્મ રિલીઝ નહીં થવા દેવાની ચીમકી
ખાસ-ખબર સંવાદદાતા
બોલીવૂડ ફિલ્મ પઠાણમાં અશ્લીલતાનું વરવું પ્રદર્શન હોય ઠેરઠેર આ ફિલ્મનો ભારે વિરોધ થઈ રહ્યો છે અને આ ફિલ્મનું ગીત રીલીઝ થયા બાદ હંગામો મચી ગયો છે જોકે હિન્દુ સંગઠનો ભગવાનું અપમાન કર્યાનો મુદો ઉઠાવીને ભારે વિરોધ નોંધાવી રહ્યા છે ત્યારે મોરબીમાં પણ વિશ્વ હિન્દુ પરિષદ અને બજરંગ દળ સહિતના હિન્દુ સંગઠનો દ્વારા પઠાણ ફિલ્મનું પોસ્ટર સળગાવીને વિરોધ પ્રદર્શન કરવામાં આવ્યું હતું. મોરબી વિશ્વ હિન્દુ પરિષદ અને બજરંગ દળ સહિતના હિન્દુ સંગઠનોના કાર્યકરો દ્વારા મોરબી શહેરના નહેરુ ગેઇટ ચોક ખાતે ફિલ્મ સ્ટાર શાહરુખાન અભિનીત ફિલ્મ પઠાણનું પોસ્ટર સળગાવીને આ ફિલ્મનું રિલીઝ અટકવાવવાની માંગ સાથે વિરોધ પ્રદર્શન કરવામાં આવ્યું હતું તેમજ મોરબીના તમામ થિયેટરોને આ ફિલ્મ રિલીઝ ન કરવાની તાકીદ કરી હતી તેમજ સરકાર સમક્ષ પણ ગુજરાતભરમાં આ ફિલ્મ રિલીઝ ન કરવાની માંગ ઉઠાવી હતી.
મોરબીમાં હિન્દુ સંગઠનો દ્વારા પઠાણ ફિલ્મનું પોસ્ટર સળગાવીને વિરોધ પ્રદર્શન
![](https://khaskhabarrajkot.com/wp-content/uploads/2022/12/HINDU-PARISHAD.jpeg)