શહેરનાં મંગલધામ પાસે દીપડાનાં આંટાફેરા
ખાસ-ખબર સંવાદદાતા
ગિરનાર જંગલમાં વરસાદ થતા વન્યપ્રાણીઓ પ્રભાવીત થયા છે. ત્યારે જૂનાગઢના ગિરનાર પર્વતની પાછલી સિડીએ સાવજોના આંટાફેરા થતા હોવાનું જાણવા મળી રહ્યું છે. સિંહોની હાજરીથી ભાવિકોમાં ભયનો માહોલ છવાયો છે. સિંહોએ દેખાદેતા કેટલાક ભાવિકોએ વિડીયો પણ બનાવ્યો હતો જે હાલ વાઇરલ થઇ રહ્યો છે.આ ઉપરાંત મધુરમ વિસ્તારમાં આવેલ મંગલધામ -1માં દિપડો આવતો હોવાની ચર્ચાએ જોર પકડ્યું છે.
- Advertisement -
આ દિપડો છેલ્લા 2 દિવસથી કૃષિ યુનિવર્સિટી કેમ્પસના ખેતરમાં થઇ દિવાલ ટપીને રાત્રિના સમયે આવ્યો હોવાનું અને વસુંધરા એપાર્ટમેન્ટ પાસે કુતરીના બચ્ચાનો શિકાર કર્યો હોવાનું પણ સ્થાનિક લોકોમાં ચર્ચાઇ રહ્યું છે.
