ખાસ-ખબર ન્યૂઝ રાજકોટ, તા.20
ઝનાના હોસ્પિટલ ચોક પાસેથી બે દિવસ પહેલાં ચોરાયેલી રિક્ષા અંગે પોલીસે સીસીટીવી ફુટેજ મેળવી પગેરુ દબાવી રૈયાધાર પરથી એ ડિવિઝન પોલીસે ઝડપી 1.30 લાખની કિંમતની રિક્ષા કબ્જે કરી છે.
- Advertisement -
આ અંગેની પોલીસમાંથી પ્રાપ્ત વિગત મુજબ રૈયાધાર પર આવેલા ઇન્દિરાનગરમાં રહેતા મનોજભાઇ પ્રવિણભાઇ પરમારની દોઢ વર્ષની પુત્રીને સારવાર માટે ઝનાના હોસ્પિટલમાં દાખલ કરી હોવાથી પોતાની રિક્ષા ઝનાના હોસ્પિટલના દરવાજા પાસે પાર્ક કરી હતી ત્યાંથી તસ્કરો રુા.1.30 લાખની કિંમતની જી.જે.03બીયુ. 1531 નંબરની રિક્ષા ચોરાયાની એ ડિવિઝન પોલીસમાં ફરિયાદ નોંધાઈ હતી.
પી.આઈઆર.જી.બારોટ, પીએસઆઈ એસ.એમ.રાણા, એએસઆઇ એમ.વી.લુવા, હેડ કોન્સ્ટેબલ અજયભાઈ બસીયા અને રમેશભાઈ માલકીયા સહિતના સ્ટાફે સીસીટીવી ફુટેજ મેળવી રિક્ષા નંબરના આધારે તપાસ કરતા રિક્ષા રૈયાધાર તરફ જતો હોવાનું જણાતા મુળ જોડીયાના જીતેન્દ્ર ઉર્ફે જીત્યો ગોવિંદ પરમાર નામના શખ્સને ઝડપી રિક્ષા કબ્જે કરી છે. જીતેન્દ્ર ઉર્ફે જીત્યો આ પહેલાં પ્ર.નગર, મોરબી અને હળવદમાં વાહન ચોરીના ગુનામાં ઝડપાયો હોવાનું પોલીસ તપાસમાં બહાર આવ્યું છે.
