જેતલસરની મહિલાએ દુષ્કર્મ કેસમાં ફસાવી દેવા 20 લાખની માંગણી કરી
મહિલાએ ચામડીના રોગ માટે વિડીયો કોલ કરી નગ્ન વિડીયો ઉતારી બ્લેકમેઇલિંગ કર્યું
- Advertisement -
ખાસ-ખબર ન્યૂઝ જૂનાગઢ, તા.10
જૂનાગઢ મહા નગરપાલિકાના એક ઊંચ અધિકરી સાથે જેતલસરની એક મહિલાએ ચામડીના રોગ માટે બાબતે પરિચય કેળવી નગ્ન વિડિઓ ઉતારી બાદમાં તેની સાથે મનપા કચેરીની ચેમ્બરમાં બે વખત દુષ્કર્મ આચર્યું હોવાની પોલીસ અરજી કર્યા બાદ સમાધાન કરવા માટે મનપા ઊંચ અધિકરી પાસેથી રૂ.20 લાખ માંગ્યા હોવાનો મામલો બી.ડિવિઝને પોંહચતા મનપા અધિકરીએ મહિલા વિરુદ્ધ ફરિયાદ નોંધાવતા પોલીસે મહિલા સામે ગુનો નોંધી વધુ તપાસ શરુ કરી છે જૂનાગઢ મનપા અધિકરી હનીટ્રેપમાં ફસાયાનો મામલો શહેરમાં ટોક ઓફ ધ ટાઉન બન્યો છે. પોલીસ પ્રાપ્ત વિગત મુજબ રાજકોટ જિલ્લાના જેતપુર તાલુકાના જેતલસર ગામની એક મહિલાએ જૂનાગઢ મહાનગરપાલિકાના અધિકારી સાથે ઓળખાણકરી પોતાના આધાર કાર્ડ તેમજ બીજા સરકારી કામોમાં મદદ કરવાનું કહી સબંધ બાંઘ્યો હતો. ત્યારબાદ આ મહિલાએ મનપાના અધિકારીને ચાંમડીનો રોગ હોય જેથી તેના રોગની દવા તથા દેશી ઓસડીયા આપવા માટેનું કહી વિડીયો કોલ કર્યો હતો.
ચાંમડીનો રોગ જોવા માટે મહિલાએ અધિકારીને કપડા ઉતારવાનું અન નગ્ન હાલતમાં શરીર ઉપરના રોગ બતાવવાનું કહી નગ્ન વિડીયો પોતાના મોબાઇલમાં રેકોડીંગ કરી લીધો હતો. બાદમાં કામના બહાને મહિલા મહાનગરપાલિકાની કચેરી ખાતે અધિકારીને મળવા આવી હતી. આ ઘટનાને થોડા દિવસ બાદ જેતલસરની મહિલા પોલીસ સ્ટેશને પહોંચી અને મનપાના અધિકારી વિરૂઘ્ધ અરજી આપી કે, અધિકારીએ તમની ચેમ્બરમાં બે વખત દુષ્કર્મ તેમજ નગ્ન થઇ વિડીયો કોલથી વાત કરેલાની વિગત વાળી અરજી આપી હતી. ત્યાર બાદ તેનું સમાધાન કરવા માટે અલગ-અલગ વ્યક્તિઓ દ્વારા તેમજ મહિલાએ પોત રૂબરૂ અધિકારી પાસે પ્રથમ 14 લાખ ત બાદ 30 લાખની માંગણ કરી અધિકારીને ખોટા દુષ્કર્મના કેસમાં ફસાવી દેવાની ધમકીઓ આપી હતી. પરંતુ અધિકારીએ તેમને એકપણ રૂપિયો આપ્યો નહી. જેથી છેલ્લે સામાધાન પેટે બળજબરીથી 20 લાખ કઢાવવા પ્રયાસ કર્યો હતો આ સમગ્ર મામલે મનપા અધિકારીએ જૂનાગઢ બી-ડીવીઝન પોલીસમાં ગુનો દાખલ કરાવતા પોલીસે જેતલસરની મહિલા તથા તપાસમાં જે ખુલે તેની સામે ફરિયાદ દાખલ કરી વધુ કાર્યવાહી હાથ ધરી છે. આ અધિકારીએ દુષ્કર્મની ધમકીથી ડર્યા વગર મહિલા સામે બ્લેક મેઇલની પોલીસમાં ફરિયાદ નોંધાવતા પોલીસે મહિલા સામે ગુનો દાખલ કર વધુ તપાસ હાથ ધરી છે. છેલ્લા દોઢેક માસથી મહિલા દ્વારા અધિકારીને પૈસા માટે બ્લેકમેઇલ કરવામાં આવતા હોવાની વિગતો સામે આવી રહી છે. અંતે અધિકારીએ પોલીસ ફરિયાદ કરતા સમગ્ર મુદ્દે ભારે ગરમાવો આવ્યો છે અને શહેરભરમાં આ હનીટ્રેપ મામલે ચર્ચાનો વિષય બન્યો છે.
