દેશની અદાલતોમાં 4.47 કરોડ કેસ પેન્ડિંગ છે. 25 હાઈકોર્ટમાં અલ્હાબાદ હાઈકોર્ટ 10.74 લાખ કેસ સાથે સૌથી આગળ છે. આ પછી બોમ્બે હાઈકોર્ટમાં 7.13 લાખ કેસ પેન્ડિંગ છે અને રાજસ્થાન હાઈકોર્ટમાં 6.67 લાખ કેસ પેન્ડિંગ છે.
નેશનલ જ્યુડિશિયલ ડેટા ગ્રીડ (NJDG)ના લેટેસ્ટ ડેટામાં આ માહિતી આપવામાં આવી છે.2018 થી પેન્ડિંગ કેસોની સંખ્યામાં વધારો થયો છે. ઉદાહરણ તરીકે, અલ્હાબાદ હાઈકોર્ટમાં પેન્ડિંગ કેસોમાં 50.95 ટકાનો વધારો થયો છે.
- Advertisement -
એ જ રીતે બોમ્બે હાઈકોર્ટમાં પેન્ડિંગ કેસોમાં 53.85 ટકાનો વધારો થયો છે. તમામ હાઈકોર્ટમાં કુલ 62 લાખ કેસ પેન્ડિંગ છે, જેમાંથી 71.6 ટકા સિવિલ કેસો અને 28.4 ટકા ફોજદારી કેસ છે. 2018 થી આ અદાલતોમાં પડતર કેસોની સંખ્યામાં વધારો થયો છે.
24.83 ટકા કેસ 5-10 વર્ષ જૂના છે, 24.83 ટકા કેસ 5-10 વર્ષ અને 18.25 ટકા કેસ 10-20 વર્ષ માટે પેન્ડિંગ છે. પેન્ડિંગ કેસોનું એક કારણ જજોની અપૂરતી સંખ્યા હોઈ શકે છે. મે 2022 સુધીમાં, લગભગ 25,600 ન્યાયાધીશોને 4 કરોડથી વધુ પડતર કેસોની સુનાવણી અથવા નિર્ણય લેવાનું કામ સોંપવામાં આવ્યું હતું.
