ભગુડા મોગલધામ ખાતે 28માં પાટોત્સવની ભવ્ય ઉજવણી કરાઇ

મોટી સંખ્યામાં જનમેદની ઉમટી પડી

ખાસ-ખબર ન્યૂઝ રાજકોટ, તા.22

મહુવા તાલુકાના ભગુડા મોંગલધામ ખાતે વ8 માં પાટોત્સવની ભવ્ય ઉજવણી કરવામા આવી હતી. મોંગલ માં તીર્થધામ ભગુડા ફૂલો તથા લાઇટ ડેકોરેશન સાથે સુંદર શણગાર કરાયો હતો. વહેલી સવારથી જ લોકો દર્શન કરવા માટે આવી પહોંચ્યા હતાં. અને શીશ જુકાવી મોગલ માં ના આશીર્વાદ લીધા હતાં. અને રાત્રીએ માંગલ શકિત એવોર્ડ તથા ભવ્ય સંતવાણી લોક ડાયરાનું આયોજન કરવામા આવ્યું. આ માગલ શકિત એવોર્ડ કાર્યક્રમમાં રામકથાકાર પપૂ. મોરારી બાપુ ખાસ ઉપસ્થિત રહ્યાં હતાં. અને માંગલ શક્તિ એવોર્ડ આપી મહાનુભાવોને સન્માનિત કરાયાં. ત્યારબાદ ભવ્ય લોક ડાયરો યોજાયો હતો.

જેમા નામાંકિત કલાકારો કિર્તીદાન ગઢવી, રાજભા ગઢવી, જીગ્રેશ બારોટ, પરેશદાન ગઢવી, ગોપાલ સાધુ, સાગરદાન ગઢવી, રાજદાન ગઢવી, રામદાસ ગોંડલીયા, શૈલેષ મહારાજ, રાજુભાઇ આહિર સહીતના કલાકારોએ ડાયરામા રમઝટ બોલાવી હતી. અને લોકોમા પણ આનંદ જોવા મળ્યો હતો. લોક ડાયરામાં ડાયરામાં ડોલર તથા ચાંદીની નોટ સહિત રૂપિયાનો વરસાદ થયો હતો. અને લોક ડાયરામા મોબાઇલ ફ્રેશ લાઇટ થી મોંગલ માં ની આરતી કરતા અનોખો નજારો સર્જાયો. ભગુડા મોંગલધામ ખાતે 28માં પાટોત્સવ દરમિયાન લાખોની સંખ્યામા માનવ મહેરામણ ઉમટી પડ્યું હતુ. ભગુડા મોંગલધામ સાનિઘ્યમાં દરરોજ માટે ભાવી-ભકતોએ દર્શનાર્થે આવતા હોય છે. મોંગલધામ ભક્તોના આસ્થાનું કેન્દ્ર છે. આ કાર્યક્રમમાં સ્વયંસેવકો દ્વારા ખાસ સહયોગ આપ્યો હતો. અને પધારેલા તમામ મહેમાનોનું સન્માન કરાયું હતું. ભગુડા મોગલ ધામ ખાતે 28 માં પાટોત્સવની ભવ્ય ઉજવણી કરવામા આવી છે. આ તકે પૂ. મોરારી બાપુ, મોંગલધામ ટ્રસ્ટના પ્રમુખ

માયાભાઈ આહીર તથા જયરાજભાઇ આહીર, મહેશદાન ગઢવી(બોટાદ), પૂર્વ ધારાસભ્ય અંબરીષ ડેર, ભાવનગર ધારાસભ્ય જીતુ વાઘાણી, લોકસભાના અમરેલીના ઉમેદવાર ભરતભાઇ સુતરીયા, રાજદીપસિંહ રીબડા, વરીષ્ઠ પત્રકાર દિનેશ સિંઘવ તેમજ રાજેન્દ્રદાસ બાપુ(રામપરા વૃંદાવન બાગ), સેરનાંથ બાપુ જૂનાગઢ, સતાધાર ગોંવિદભગત, ઉજામૈયા, કથાકાર મનસુખદાદા રાભડાવાળા તેમજ સંતોમહંતો, રાજકીય તેમજ સામાજીક આગેવાનો સહિત મોટી સંખ્યામા જનમેદની ઉમટી પડી હતી.