કર્ણાટકમાં ઝિકા વાયરસનો કેસ જોવા મળ્યો: 5 વર્ષની બાળકી સંક્રમિત, આરોગ્ય વિભાગ એલર્ટ

ભારતમાં કોરોના વાયરસના કેસો લગભગ પૂરા થઇ ગયા છે, જેની વચ્ચેમાં હવે ઝિકા વાઇરસએ સરકારની ચિંતા વધારી દીધી છે. દેશમાં હવે ઝિકા વાયરસના કેસો પણ જોવા મળી રહ્યા છે. કર્ણાટકમાં આ વાયરસનો પહેલો કેસ સામે આવ્યો છે. 5 વર્ષની છોકરીમાં આ વાયરસ જોવા મળ્યો છે. રાજ્યના સ્વાસ્થ્ય મંત્રી કે. સુધાકરના જણાવ્યા અનુસાર, 5 વર્ષની છોકરીમાં ઝિકા વાયરસથી સંક્રમિત થયા પછી સાવચેત રહેવા જણાવ્યું છે. સરકાર બધા આવશ્યક ઉપાયો કરી રહી છે અે જલ્દી જ આ સંબંધમાં દિશા-નિર્દેશો જાહેર કરશે.

5 ડિસેમ્બરના ત્રણ સેમ્પલ મોકલવામાં આવ્યા હતા
સ્વાસ્થ્ય મંત્રી કે. સુધાકરએ આ વિશે જાણકારી આપતા કહ્યું કે, અમે પુણેની લેબથી જે રિપોર્ટ મળી છે, એમાં ઝિકા વાયરસ હોવાની જાણકારી મળી છે. આ સેમ્પલ 5 ડિસેમ્બરના મોકલવામાં આવ્યા હતા. તેની સાથે જ 2 વધુ સેમ્પલ મોકલવામાં આવ્યા છે. રાહતની વાત તો એ છે કે, બીજા બેની રિપોર્ટ નેગેટિવ આવી છે. રિપોર્ટ પોઝિટિવ આવ્યા બાદ આરોગ્ય વિભાગ પાંચ વર્ષની બાળકી પર નજર રાખી રહ્યું છે.

ઝિકા વાયરસના લક્ષણો
ઝિકા વાયરસના સંક્રમણ એડીજ મચ્છરના કરડવાથી ફેલાય છે. આ ડેન્ગ્યૂ અને ચિકનગુનિયા જેવા સંક્રમણ ફેલાય છે. ઉલ્લેખનીય છે કે, કેટલાક મહીના પહેલા ઝિકા વાયરસના કેસમાં કેરળ, મહારાષ્ટ્ર અને ઉત્તર પ્રદેશમાં જોવા મળ્યા હતા.