રાજયકક્ષાની યુવા ઉત્સવ સ્પર્ધામાં જૂનાગઢનું નામ રોશન કરતા યુવક-યુવતીઓ

ખાસ-ખબર સંવાદદાતા
જૂનાગઢ રાજય સરકારના રમત-ગમત, યુવા અને સાંસ્કૃતિક પ્રવૃતિઓ, ગાંધીનગર ઉપક્રમે જિલ્લા વહીવટી તંત્ર અમરેલીના રાહબરી નીચે જિલ્લા યુવા વિકાસ અધિકારી, જિલ્લા રમત-ગમત કચેરી, અમરેલી સંચાલિત રાજયકક્ષા યુવા ઉત્સવ સ્પર્ધા 2022-23 તા.26-27 ડિસેમ્બર 2022 દરમિયાન કે.કે પારેખ અને મહેતા આર.પી. વિદ્યાલય અમરેલી ખાતે યોજાયેલ હતો. આ સ્પર્ધામાં કુલ 33 જેટલી કૃતિઓનું આયોજન થયેલ હતું. જેમાંથી વકૃત્વ – અ વિભાગમાં પ્રથમ ક્રમે બેલીમ કૌશરબાન , બહાઉદીન આર્ટ્સ કોલેજ, જુનાગઢ, દુહા-છંદ-ચોપાઈ – બ વિભાગમાં દ્રીતીય ક્રમે લાખોત્રા અભિષેક, જૂનાગઢ ,લોકવાર્તા ખુલ્લા વિભાગમાં ધાંધલ આયુષી, સ્વ. ટી.એલ.વાળા ક્ધયા વિદ્યાલય જૂનાગઢ, નિબધ- બ વિભાગમાં તૃતીય ક્રમે તૃર્ક તંઝીલા સુભાષ એકેડેમી જુનાગઢનાઓ વિજેતા થયેલ છે. આ સ્પર્ધામાં જૂનાગઢ જિલ્લા ટીમ મેનેજર તરીકે કામગીરી ભાવેશ દેવધરીયા બહાઉદીન સાયન્સ કોલેજ સંભાળેલ હતી. જૂનાગઢ જિલ્લા તમામ વિજેતા સ્પર્ધકોને જિલ્લા શિક્ષણાધિકારી બી.એ. વાઢેર, જિલ્લા યુવા વિકાસ અધિકારી એન.ડી.વાળા, જિલ્લા રમત-ગમત અધિકારી વિશાલ દિહોરા એ અભિનંદન પાઠવ્યા હતા.