વર્લ્ડ ચેસ ફેડરેશને ટ્રાન્સજેન્ડર ખેલાડીઓ પર લગાવ્યો પ્રતિબંધ: જાણો કારણ

વિશ્વ ચેસની સર્વોચ્ચ સંસ્થા ફિડેએ લિંગ પરિવર્તન કરાવીને પુરુષ બનેલ ટ્રાન્સજેન્ડર ખેલાડીઓ પર મહિલા કોમ્પેટિશનમાં ભાગ લેવા પર પ્રતિબંધ મુકી દીધો છે.

વિશ્વ ચેસની સર્વોચ્ચ સંસ્થા ફિડેએ લિંગ પરિવર્તન કરાવીને પુરુષ બનેલ ટ્રાન્સજેન્ડર ખેલાડીઓ પર મહિલા કોમ્પેટિશનમાં ભાગ લેવા પર પ્રતિબંધ મુકી દીધો છે. ફિડેએ જણાવ્યું છે કે, જ્યાં સુધી અધિકારીઓ લિંગ પરિવર્તનની સમીક્ષા ના કરે ત્યાં સુધી ટ્રાન્સજેન્ડર મહિલાઓને મહિલા કોમ્પેટિશનમાં શામેલ થવા દેવામાં નહીં આવે.

ટ્રાન્સજેન્ડર અધિકારોના સમર્થકોએ આ નિર્ણયની ટીકા કરી છે. ફિડેએ જણાવ્યું છે કે, આ ખેલાડીઓને ટ્રાન્સજેન્ડરને માન્યતા આપવાના અનુરોધ મળી રહ્યા છે. આ કારણોસર ટ્રાન્સજેન્ડર મહિલાઓની કોમ્પેટિશનમાં ભાગીદારી વ્યક્તિગત મામલાના વિશ્લેષણ પર નિર્ભર રહેશે, જેમાં બે વર્ષનો સમય પણ લાગી શકે છે.

લિંગ પરિવર્તનથી ખેલાડીની સ્થિતિ અને ભવિષ્યમાં કોમ્પેટિશનમાં ભાગ લેવાની પાત્રતા પર મહત્ત્વપૂર્ણ અસર થાય છે. આ કારણોસર પરિવર્તનનું કોઈ પ્રમાણ આપવામાં આવ્યું ત્યારે જ થી શકે છે. ફિડેએ જણાવ્યું છે કે, ‘જે પુરુષ લિંગ પરિવર્તન કરીને મહિલા બન્યા છે, તેમણે ફિડેના આગામી નિર્ણય સુધી રાહ જોવી પડશે. આ નિર્ણય ના આવે ત્યાં સુધી ફિડેની મહિલા કોમ્પેટિશનમાં ભાગ લેવાનો અધિકાર નહીં રહે.’

જો કોઈ મહિલા લિંગ પરિવર્તન કરીને પુરુષ બને તો તેના પણ તમામ ખિતાબ પરત લેવામાં આવશે. જો કોઈ ખેલાડી લિંગ પરિવર્તન કરીને પુરુષમાંથી મહિલા બને તો તેના તમામ ખિતાબ પહેલાની જેમ જ રહેશે.