મહિલાઓનું શરીર અનમોલ છે, તે ઢંકાયેલુ રહે તો સારૂં: સલમાનખાન

દબંગ સ્ટારે પોતાની ફિલ્મનાં સેટ પર મહિલા કલાકારો માટે ડ્રેસ કોડ લાગુ કરતા વિવાદ પર રિએકશન

ખાસ-ખબર સંવાદદાતા
દબંગ સ્ટાર સલમાનખાને જણાવ્યું હતું કે, મહિલાઓનું શરીર અનમોલ છે, અને તે જેટલુ ઢંકાઈ રહે તે એટલું જ સારૂ છે. તેમણે પોતાની ફિલ્મનાં સેટ પર મહિલા કલાકારો માટે ડ્રેસ કોડ લાગુ કરવાને લઈને ઉઠેલા વિવાદ પર સફાઈ દેતા આમ કહ્યું હતું.

એક ટીવી કાર્યક્રમમાં તેણે જણાવ્યું હતું કે, વાત મહિલાઓની નથી બલકે પુરૂષોની છે. તે જે દ્રષ્ટિથી મહિલાઓને જેમ કે કોઈને પત્નિ, બહેન કે માને જુએ છે તે મને સારૂ નથી લાગતું. સલમાને જણાવ્યું હતું કે જયારે આપ સારી ફિલ્મ બનાવો છો તો દરેક પરિવાર સાથે તે ફિલ્મ જોવા જાય છે.