કોંગ્રેસ અધ્યક્ષ અને રાજ્યસભામાં વિપક્ષના નેતા મલ્લિકાર્જુન ખડગેએ ગુરુવારે સરકાર પાસેથી વડાપ્રધાન નરેન્દ્ર મોદી દ્વારા છેલ્લા 3 વર્ષમાં કરવામાં આવેલી વિદેશ મુલાકાતો પર થયેલા ખર્ચની વિગતો માંગી હતી. આ મુદ્દે વિદેશ રાજ્યમંત્રી પાબિત્રા માર્ગરિટાએ રાજ્યસભામાં લેખિતમાં જણાવ્યું હતું કે વર્ષ મે 2022થી ડિસેમ્બર 2024 દરમિયાન વડાપ્રધાન મોદીના વિદેશ પ્રવાસો પર કેટલો ખર્ચ થયો હતો.
રાજ્યસભામાં આપેલા જવાબ મુજબ, 32 મહિનામાં તેમણે 38 વિદેશયાત્રાઓ કરી હતી, જેમાં કુલ 258 કરોડ રૂપિયાનો ખર્ચ થયો હતો. નેપાળ મુલાકાત દરમિયાન સૌથી ઓછો 80,01,483 રૂપિયા ખર્ચ કરવામાં આવ્યો હતો, જ્યારે કે જૂન, 2023માં અમેરિકાની મુલાકાત દરમિયાન સૌથી વધુ 22,89,68,509 રૂપિયા ખર્ચવામાં આવ્યા હતા.
- Advertisement -
વર્ષ 2022માં વડાપ્રધાન મોદી મે મહિનામાં જર્મની, ડેન્માર્ક, ફ્રાન્સ, નેપાળ અને જાપાન ગયા હતા. એ જ વર્ષે તેઓ જૂન મહિનામાં યુએઈ અને જર્મની, સપ્ટેમ્બરમાં જાપાન અને ઉઝબેકિસ્તાન તથા નવેમ્બરમાં ઇન્ડોનેશિયા ગયા હતા. વર્ષ 2023માં તેઓ મે મહિનામાં પાપુઆ ન્યૂ ગિની, ઓસ્ટ્રેલિયા અને જાપાન ગયા હતા. જૂનમાં અમેરિકા અને ઈજિપ્ત, જુલાઈમાં ફ્રાન્સ અને યુએઈ, ઑગસ્ટમાં દક્ષિણ આફ્રિકા અને ગ્રીસ, સપ્ટેમ્બરમાં ઇન્ડોનેશિયા તથા નવેમ્બર-ડિસેમ્બરમાં યુએઈ ગયા હતા. વર્ષ 2024માં તેઓ ફેબ્રુઆરી મહિનામાં યુએઈ અને કતાર, માર્ચમાં ભૂટાન, જૂનમાં ઈટલી, જુલાઈમાં ઓસ્ટ્રિયા અને રશિયા, ઑગસ્ટમાં પોલેન્ડ અને યુક્રેન, સપ્ટેમ્બરમાં બ્રુનેઈ, અમેરિકા અને સિંગાપોર, ઑક્ટોબરમાં લાઓસ અને રશિયા, નવેમ્બરમાં નાઈજિરિયા, બ્રાઝિલ અને ગુયાના તથા ડિસેમ્બરમાં કુવૈત ગયા હતા.
ખડગેએ સંસદમાં આ પ્રશ્ન પૂછ્યો
પ્રધાનમંત્રી નરેન્દ્ર મોદી સમયાંતરે વિદેશ પ્રવાસો કરતા રહે છે. તાજેતરમાં તેઓ મોરેશિયસ અને અમેરિકાના પ્રવાસે ગયા હતા. તેમના આ પ્રવાસો પર થયેલા ખર્ચની માહિતી સંસદમાં માંગવામાં આવી હતી. કોંગ્રેસ અધ્યક્ષ મલ્લિકાર્જુન ખડગેએ સંસદમાં આ પ્રશ્ન પૂછ્યો હતો, જેમાં ભારતીય દૂતાવાસ દ્વારા છેલ્લા ત્રણ વર્ષમાં પીએમના વિદેશ પ્રવાસો માટે ખર્ચવામાં આવેલી રકમની માહિતી માંગવામાં આવી હતી. વિદેશ રાજ્ય મંત્રી પવિત્રા માર્ગેરિટાએ ગુરુવારે રાજ્યસભામાં એક લેખિત જવાબમાં સંપૂર્ણ માહિતી આપી છે.
- Advertisement -
2022માં કરેલી વિદેશયાત્રાનો દેશ પ્રમાણે ખર્ચ
| દેશ | ખર્ચ (રૂપિયા) |
| જર્મની | 9,44,41,562.00 |
| ડેનમાર્ક | 5,47,46,921.00 |
| ફ્રાન્સ | 1,95,03,918.00 |
| નેપાળ | 80,01,483.00 |
| જાપાન | 8,68,99,372.00 |
| યુએઈ | 1,64,92,605.00 |
| જર્મની | 14,47,24,416.00 |
| જાપાન | 7,08,03,411.00 |
| ઉઝબેકિસ્તાન | 1,57,26,709.00 |
| ઇન્ડોનેશિયા | 4,69,52,964.00 |
2023માં કરેલી વિદેશયાત્રાનો દેશ પ્રમાણે ખર્ચ
| દેશ | ખર્ચ (રૂપિયા) |
| પાપુઆ ન્યુ ગિની | 8,58,04,677.00 |
| ઓસ્ટ્રેલિયા | 6,06,92,057.00 |
| જાપાન | 17,19,33,356.00 |
| અમેરિકા | 22,89,68,509.00 |
| ઈજિપ્ત | 2,69,04,059.00 |
| ફ્રાન્સ | 13,74,81,530.00 |
| યુએઈ | 1,45,06,965.00 |
| દક્ષિણ આફ્રિકા | 6,11,37,355.00 |
| ગ્રીસ | 6,97,75,753.00 |
| ઈન્ડોનેશિયા | 3,62,21,843.00 |
| યુએઈ | 4,28,88,197.00 |
2024માં કરેલી વિદેશયાત્રાનો દેશ પ્રમાણે ખર્ચ
| દેશ | ખર્ચ |
| યુએઈ | 5,31,95,485.00 |
| કતાર | 3,14,30,607.00 |
| ભુતાન | 4,50,27,271.00 |
| ઈટાલી | 14,36,55,289.00 |
| ઑસ્ટ્રિયા | 4,35,35,765.00 |
| રશિયા | 5,34,71,726.00 |
| પોલેન્ડ | 10,10,18,686.00 |
| યુક્રેન | 2,52,01,169.00 |
| બ્રુનેઈ | 5,02,47,410.00 |
| અમેરિકા | 15,33,76,348.00 |
| સિંગાપોર | 7,75,21,329.00 |
| લાઓસ | 3,00,73,096.00 |
| રશિયા | 10,74,99,171.00 |
| નાઈજિરીયા | 4,46,09,640.00 |
| બ્રાઝિલ | 5,51,86,592.00 |
| ગુયાના | 5,45,91,495.00 |
| કુવૈત | 2,54,59,263.00 |
મનમોહન સિંહની વિદેશયાત્રાના ખર્ચના આંકડા પણ રજૂ કરાયા
વડાપ્રધાન મોદીની વિદેશ યાત્રાના ખર્ચને ‘જસ્ટિફાય’ કરવા હોય એમ ભૂતપૂર્વ વડાપ્રધાન મનમોહન સિંહની વિદેશ યાત્રાઓના ખર્ચના આંકડા પણ આપવામાં આવ્યા હતા, જે નીચે મુજબ છે.
2013માં તેમના રશિયાના પ્રવાસ પર 9,95,76,890 રૂપિયાનો ખર્ચ થયો હતો.
એ જ વર્ષે તેમના જર્મની પ્રવાસ પાછળ 6,02,23,484 રૂપિયાનો ખર્ચ થયો હતો.
વર્ષ 2011માં મનમોહન સિંહના અમેરિકાના પ્રવાસ પાછળ 10,74,27,363 રૂપિયાનો ખર્ચ થયો હતો.
એ જ વર્ષે તેમની ફ્રાંસની યાત્રા પર 8,33,49,463 રૂપિયાનો ખર્ચ થયો હતો.
આમ, પૂર્વ વડાપ્રધાન મનમોહન સિંહના અમેરિકા, રશિયા, જર્મની અને ફ્રાંસ એમ ચાર દેશના પ્રવાસ પાછળ રૂ. 35,05,77200 જેટલો ખર્ચ થયો હતો. જો કે, કેન્દ્ર સરકારે તેમના દરેક દેશના પ્રવાસ ખર્ચની વિગતો સરકારે જાહેર કરી નથી.
