ખેડૂતોને સૌની યોજનાથી પાણીની સમસ્યા હવે ભૂતકાળ: ભુપત બોદર

મોદીને આવકારી મોમેન્ટો અર્પણ કરવાનો અવસર અવિસ્મરણીય:ભૂપત બોદર

ખાસ-ખબર સંવાદદાતા
રાજકોટ જિલ્લા પંચાયત પ્રમુખ ભુપત બોદર એક અખબાર યાદીમાં જણાવે છે કે વડાપ્રધાન નરેન્દ્ર મોદી રાજકોટ સહિત સૌરાષ્ટ્રભરને 2033 કરોડ રૂપિયા ના હિરાસર ઇન્ટરનેશનલ એરપોર્ટ તથા સૌની યોજના ની લિંક સહિતના વિવિધ વિકાસ કાર્યોની ભેટ આપવામાં માટે રાજકોટ પધાર્યા હતાં,ત્યારે રાજકોટની ધરા પર આધુનિક રામરાજ્યના સ્વપ્નદ્રષ્ટા, સાચા અર્થમાં કમઁયોગી એવા આદરણીય વડાપ્રધાન મોદીને તેમજ મુખ્યમંત્રી ભૂપેન્દ્ર પટેલ, નાગરિક કેન્દ્રીય નાગરિક ઉડ્ડયન મંત્રી જ્યોતિન્દ્રાદીત્ય સિંધિયા, પ્રદેશ અધ્યક્ષ સી આર પાટીલ ને રાજકોટ એરપોર્ટ ખાતે આવકારવા નો અવસર મળ્યો તેમ જ લોકાર્પણ પ્રસંગે આદરણીય વડાપ્રધાન ને મોમેન્ટો અર્પણ કરી ધન્યતા અનુભવી.

આ લોકાર્પણ કાર્યક્રમ થકી રાજકોટને ઔદ્યોગિક હબ બનાવવા માટે પાયારૂપ એર કાર્ગોની સુવિધા યુક્ત રાજકોટ ઇન્ટરનેશનલ એરપોર્ટ અને સમગ્ર સૌરાષ્ટ્ર માટે પાણીની સમસ્યાને ભૂતકાળ બનાવનાર અને માં નર્મદાનું પાણી જન જન સુધી પહોંચાડનાર સૌની યોજના લિંક સહિતના વિશાળ વિકાસ કાર્યોની ભેટ જનતાને મળી છે. વડાપ્રધાનની જનસભામાં પોતાનો કિંમતી સમય કાઢીને હાજર રહેવા બદલ સમગ્ર રાજકોટ જિલ્લાની જનતાનો, રાજકોટ જીલ્લા ભાજપ સંગઠનના હોદેદારો, સહકારી સંસ્થાના આગેવાનો, સરપંચઓ અને કાર્યકર્તાઓનો જિલ્લા પંચાયતના પ્રમુખ ભુપતભાઇ બોદર,ઉપપ્રમુખ સવિતાબેન વાસાણી, કારોબારી ચેરમેન સહદેવ સિંહ જાડેજા, દંડક અલ્પાબેન તોગડીયા,અને શાસક પક્ષના નેતા વિરલ પનારા એ આભાર વ્યક્ત કર્યો હતો અને હાજર રહીને વડાપ્રધાન માટે પ્રેમ દર્શાવા માટે અભિનંદન પાઠવ્યા હતા.