કલેક્ટર કચેરી ખાતે મીડિયા મોનિટરિંગ સેન્ટર કાર્યરત ચૂંટણી અધિકારીઓની મુલાકાત

ખાસ-ખબર ન્યૂઝ જૂનાગઢ, તા.3
જૂનાગઢ કલેક્ટર કચેરી ખાતે કાર્યરત મીડિયા મોનિટરિંગ એન્ડ સર્ટિફિકેશન કમીટી હેઠળના મીડિયા મોનિટરિંગ સેન્ટરની મુલાકાત ભારતીય ચૂંટણી પંચના સચીવ સંજીવકુમાર પ્રસાદે લીધી હતી.
આ મુલાકાત દરમિયાન જિલ્લા ચૂંટણી અધિકારી અને કલેકટરે એમસીએમસી-મીડિયા સેન્ટર ખાતે ઇલેક્ટ્રોનિક મીડિયા પર આવતા પેઈડ ન્યુઝ જાહેરાત પર દેખરેખ રાખવા સહિતની બાબતે માહિતગાર કર્યા હતા. આ તકે સચીવે એમસીએમસી સેન્ટરની જરુરી વ્યવસ્થાઓનું નિરિક્ષણ કર્યુ હતુ. તેમજ ભારતીય ચૂંટણી પંચની માર્ગદર્શિકા પ્રમાણે કામગીરી કરવા અંગે માર્ગદર્શન પણ આપ્યું હતું. સચીવ સંજીવકુમાર પ્રસાદની આ મુલાકાત દરમિયાન પોલીસ અધિક્ષક સુબોધ ઓડેદરા, નાયબ જિલ્લા ચૂંટણી અધિકારી ડી.જે.જાડેજા,જૂનાગઢ એમસીએમસીના સભ્યસચીવ એસ.જે.બળેવીયા, સહિતના અધિકારી ઉપસ્થિત રહ્યા હતા. નોંધનીય છે કે, વિસાવદર વિધાનસભા મતવિસ્તારની પેટા ચૂંટણી અન્વયે મીડિયા મોનિટરિંગ એન્ડ સર્ટિફિકેશન કમિટિ હેઠળ આ મીડિયા મોનિટરિંગ માટે સેન્ટર કાર્યરત કરવામાં આવ્યું છે. એમસીએમસી સેન્ટર પર રાઉન્ડ ધી ક્લોક સ્ટાફ દ્વારા ચૂંટણીને અનુલક્ષીને ટીવી ચેનલોના માધ્યમથી પ્રસારિત થતા પેઈડ ન્યુઝ – જાહેરખબર ઉપર નજર રાખવામાં આવી રહી છે.