રાજકોટ તાલુકાના ગામોમાં ગ્રામપંચાયત, આરોગ્ય કેન્દ્ર, શાળા આસપાસ સફાઇ કરવામાં આવી

મહાત્મા ગાંધીજીની જન્મ જ્યંતી નિમિત્તે સમગ્ર ભારતમાં ‘‘સ્વચ્છતા હી સેવા’’ કાર્યક્રમ હેઠળ સ્વચ્છતા અભિયાન હાથ ધરવામાં આવ્યું છે. જેના ભાગ રૂપે રાજકોટ તાલુકાના વિવિધ ગામોમાં સ્વચ્છતા કાર્યક્રમો યોજાયા હતાં.

રાજકોટ તાલુકાના હરીપર, તરવડા, સાંગણવા, માખાવડ, ઢોલરા સહિતના ગામોમાં ગ્રામપંચાયત આરોગ્ય કેન્દ્ર, આંગણવાડી શાળા આસપાસના વિસ્તારોમાં સ્વચ્છતા અભિયાન હાથ ધરાયુ હતું. જેમાં મોટી સંખ્યામાં ગ્રામજનો જોડાયા હતાં. આગામી દિવસોમાં આ અભિયાન અંતર્ગત ગામની શેરીઓમાં, નદી કિનારા આસપાસના વિસ્તારો સહીત તમામ સ્થળો પર આ અભિયાન સતત ચાલુ રાખવામાં આવશે તેમ તાલુકા વિકાસ અધિકારીએ જણાવ્યું છે.