જૂનાગઢ બહાઉદ્દીન કોલેજ ખાતે રાષ્ટીય ગ્રન્થપાલ દિવસની ઉજવણી
ખાસ-ખબર ન્યૂઝ જૂનાગઢ, તા.13
જૂનાગઢ 12 ઓગસ્ટ એટલે રાષ્ટ્રીય ગ્રંથપાલ દિવસ. ગ્રંથાલય અને માહિતી વિજ્ઞાનના પિતા તરીકે જાણીતા ડો. એસ.આર. રંગનાથનના જન્મ દિવસને રાષ્ટ્રીય ગ્રંથપાલ દિવસ તરીકે ઉજવવામાં આવે છે.
- Advertisement -
જૂનાગઢની ઐતિહાસિક બહાઉદ્દીન સરકારી વિનયન કોલેજમાં રાષ્ટ્રીય ગ્રંથપાલ દિવસની ઉજવણી કરવામાં આવી હતી જે અંતર્ગત કોલેજના ગ્રંથાલય વિભાગમાં ગ્રંથપાલ એ.સી.વાઘેલા દ્વારા પુસ્તક પ્રદર્શનનું આયોજન કરવામાં આવ્યું હતું. જૂનાગઢની ઐતિહાસિક બહાઉદ્દીન કોલેજમાં અમુલ્ય કહી શકાય તેવું ગ્રંથાલય આવેલું છે, અત્યંત દુર્લભ પુસ્તકો અહીંયા ઉપલબ્ધ છે, હસ્તલીખીત પ્રતો અને સુવર્ણથી મઢેલા ટાઈટલ વાળા દુર્લભ પુસ્તકોનો ઉપયોગ કરીને વિદ્યાર્થીઓ આ પુસ્તકરૂપી અમુલ્ય વારસાને જાણે તથા તેના અભ્યાસમાં ઉપયોગ કરે તે હેતુથી ગ્રંથપાલ દિવસ નિમિતે પુસ્તક પ્રદર્શનનું આયોજન કરવામાં આવ્યું હતું. કોલેજના અધ્યાપક્શ્રીઓ અને વિદ્યાર્થીઓએ પુસ્તક પ્રદર્શનનો લાભ લીધો હતો. આ કાર્યક્રમના સફળ આયોજન બદલ કોલેજના આચાર્ય ડો.પી.વી.બારસિયા દ્વારા ગ્રંથપાલ એ.સી.વાઘેલા તથા સમગ્ર ગ્રંથાલય સ્ટાફને અભિનંદન પાઠવવામા આવ્યા હતા.
