GST મામલે વરૂણ ગાંધીનો ભાજપ પર પ્રહાર

આજથી સવારે ચા પીને ‘જપનામ, જપનામ’ કરવાનું છે: પૂર્વ IAS

અત્યાર સુધી જેમાં ટેક્સ છૂટ મળતી હતી તેવી ખાવા-પીવાની અનેક ચીજ-વસ્તુઓ પર આજથી જીએસટી લાગુ થઈ ગયો છે. જીએસટી કાઉન્સિલનો નિર્ણય લાગુ થયા બાદ અનેક ખાદ્ય વસ્તુઓ આજથી મોંઘી થઈ જશે. આ મામલે ભાજપના સાંસદ વરૂણ ગાંધીએ પણ સરકાર પર કટાક્ષ કર્યો છે. વરૂણ ગાંધીની તે ટ્વિટ પર લોકોના અનેક રિએક્શન પણ જોવા મળી રહ્યા છે.

ભાજપના સાંસદે ટ્વિટમાં લખ્યું છે કે, ’આજથી દૂધ, દહીં, માખણ, ચોખા, દાળ, બ્રેડ જેવા પેકેજ્ડ ઉત્પાદનો પર જીએસટી લાગુ છે. રેકોર્ડબ્રેક બેરોજગારી વચ્ચે લેવામાં આવેલો આ નિર્ણય મધ્યમ વર્ગના પરિવારો તથા ખાસ કરીને ભાડાના મકાનોમાં રહેતા સંઘર્ષરત યુવાનોના ખીસ્સા ખંખેરી નાખશે. જ્યારે રાહત આપવાનો સમય છે ત્યારે આપણે આહત કરી રહ્યા છીએ.