રાજુલાના કોવાયા ગામની બજારમાં વનરાજા લટાર મારવા નીકળ્યા: ગ્રામજનોમાં ભય

ખાસ-ખબર ન્યૂઝ રાજકોટ, તા.23

રાજુલા તાલુકાના કોવાયા ગામે બજારમાં શિકારની શોધમાં ચાર સિંહો લટાર મારતા જોવા મળ્યાં હતાં. જે રીતે શ્ર્વાન બજારમાં ફરતા હોય છે તેવી જ રીતે આ કોવાયા ગામમાં સિંહો આંટાફેરા મારી રહ્યા છે. સિંહના આંટાફેરાથી ગ્રામજનોમાં ભયનો માહોલ સર્જાયો હતો. અવાર-નવાર સિંહો ગામના પશુનો શિકાર કરવાની ઘટનાઓ બનતી હોય છે. ત્યારે વનવિભાગ કોવાયા ગામમાં પેટ્રોલિંગ વધારે તે જરૂૂરી બન્યું છે.

કોવાયા ગામમાં અનેકવાર સિંહો લટાર મારતા હોવાની ધટનાઓ સામે આવી છે. હાલ સોશિયલ મિડિયામા વનરાજાની લટારનો વિડિયો વાયરલ થયો છે.