અમેરિકા અને કતાર વચ્ચે 100 લાખ કરોડ રૂપિયાની ડીલ: કતાર 210 અમેરિકા નિર્મિત વિમાન ખરીદશે

ખાસ-ખબર ન્યૂઝ દોહા

અમેરિકાના રાષ્ટ્રપતિ ડોનાલ્ડ ટ્રમ્પ અને કતારના અમીર શેખ તામીન બિન હમદ અલ-થાનીએ બુધવારે દોહામાં 12 ટ્રિલિયન ડોલર (લગભગ 100 લાખ કરોડ રૂપિયા)ના અલગ અલગ સોદા પર હસ્તાક્ષર કર્યા.

વ્હાઇટ હાઉસના જણાવ્યા અનુસાર, આમાં બંને દેશો વચ્ચે 243 બિલિયન ડોલર (લગભગ 20 લાખ કરોડ રૂપિયા)નો નાણાકીય સોદો પણ શામેલ છે.
આ નાણાકીય સોદામાં કતાર એરવેઝ દ્વારા બોઇંગ વિમાનની ખરીદી, શસ્ત્રો, કુદરતી ગેસની ખરીદી અને ક્વોન્ટમ ટેકનોલોજી સંબંધિત સોદાઓનો સમાવેશ થાય છે. કતાર એરવેઝે બોઇંગ અને જીઇ એરોસ્પેસ સાથે 210 મેડ ઇન અમેરિકા ’બોઇંગ 787 ડ્રીમલાઇનર’ અને ’777X’ એરક્રાફ્ટ ખરીદવા માટે કરાર પર હસ્તાક્ષર કર્યા. તેની કિંમત 96 અબજ ડોલર (લગભગ 8 લાખ કરોડ રૂપિયા) છે. ટ્રમ્પ તેમના બીજા કાર્યકાળના પ્રથમ વિદેશ પ્રવાસના ભાગ રૂપે બુધવારે સાઉદી અરેબિયા પછી કતાર પહોંચ્યા. કતારના અમીરે પોતે દોહા એરપોર્ટ પર ટ્રમ્પનું સ્વાગત કર્યું.
તેમનું સ્વાગત લાલ સાયબર ટ્રક અને ઊંટો દ્વારા કરવામાં આવ્યું. ટ્રમ્પ આજે યુએઈ પહોંચશે, જે તેમના મધ્ય પૂર્વ પ્રવાસનો અંતિમ દિવસ છે.
અહીં તેઓ ઞઅઊના રાષ્ટ્રપતિ શેખ મોહમ્મદ બિન ઝાયેદ અલ નાહ્યાન સાથે મુલાકાત કરશે. બંને દેશો વચ્ચે આર્ટિફિશિયલ ઇન્ટેલિજન્સ, સેમિક્ધડક્ટર અને ઉર્જા સંબંધિત મુદ્દાઓ પર સોદો થઈ શકે છે.

અમેરિકા અને કતાર વચ્ચે 4 મોટા કરાર

કતાર એરવેઝે 210 બોઇંગ 787 ડ્રીમલાઇનર અને 777X વિમાન ખરીદવા માટે બોઇંગ અને GE એરોસ્પેસ સાથે કરાર કર્યા.
MQ-9B ડ્રોનની ખરીદી માટે કતાર અને અમેરિકા વચ્ચે ઔપચારિક કરાર પ્રક્રિયા પૂર્ણ. તેની કિંમત 2 અબજ ડોલર છે.
અમેરિકા અને કતાર સંરક્ષણ સહયોગ વધારવા માટે એક ઔપચારિક દસ્તાવેજ પર સંમત થયા.
અમેરિકા અને કતાર પરસ્પર સહયોગને મજબૂત બનાવવા માટે સંયુક્ત ઘોષણાપત્ર પર સંમત થયા.

અમેરિકા – સાઉદી અરેબિયા વચ્ચે 12.1 લાખ કરોડની ડિફેન્સ ડીલ

અમેરિકા અને સાઉદી અરેબિયા વચ્ચે 142 અબજ ડોલર (12.1 લાખ કરોડ રૂપિયા)ની ડિફેન્સ ડીલ કરી છે. વ્હાઇટ હાઉસે તેને ઇતિહાસનો સૌથી મોટી ડિફેન્સ ડીલ ગણાવી છે.
આ કરાર હેઠળ, સાઉદી અરેબિયાને C-130 ટ્રાન્સપોર્ટ એરક્રાફ્ટ, મિસાઇલો, રડાર સિસ્ટમ અને ઘણા અદ્યતન શસ્ત્રો આપવામાં આવશે. આ અમેરિકન કંપનીઓ જેમ કે લોકહીડ માર્ટિન, બોઇંગ અને નોર્થ્રોપ ગ્રુમેન તરફથી આવશે.

સાઉદી અરેબિયાની મુલાકાતે આવેલા અમેરિકી રાષ્ટ્રપતિ ટ્રમ્પે ક્રાઉન પ્રિન્સ મોહમ્મદ બિન સલમાનની પ્રશંસા કરી છે. ટ્રમ્પે ક્રાઉન પ્રિન્સ વિશે કહ્યું- મને ખરેખર લાગે છે કે અમે એકબીજાને ખૂબ પસંદ કરીએ છીએ. ટ્રમ્પે કહ્યું કે તેઓ મોહમ્મદ બિન સલમાનને ખૂબ સારી રીતે જાણે છે અને તેમનાથી ખૂબ પ્રભાવિત છે. સલમાન તેમની ઉંમર કરતાં ઘણા હોશિયાર છે.
અમેરિકન રાષ્ટ્રપતિએ કહ્યું કે, તેમની મુલાકાત પહેલા દેશમાં ઘણા બધા ચેક અને 20 લાખ નોકરીઓની વાત થઈ હતી. અમેરિકામાં સાઉદી રોકાણની પ્રશંસા કરતા તેમણે કહ્યું કે તેનાથી ઘણી બધી નોકરીઓનું સર્જન થશે. ટ્રમ્પે કહ્યું- અમારી પાસે વિશ્ર્વના સૌથી મોટા ઉદ્યોગપતિઓ છે. તેઓ ઘણા બધા ચેક લઈને જવાના છે.

ટ્રમ્પ સાઉદી અરેબિયા તરફથી મળી રહેલા 600 બિલિયનના રોકાણ વિશે વાત કરી રહ્યા હતા. તેમણે મજાકમાં કહ્યું કે તેમને ખાતરી છે કે આ રોકાણ ’1 ટ્રિલિયન ડોલર’ સુધી પહોંચશે. હકીકતમાં, ટ્રમ્પ બીજી વખત રાષ્ટ્રપતિ બન્યા પછી સાઉદી અરેબિયાએ 4 વર્ષમાં અમેરિકામાં 600 બિલિયનના રોકાણની જાહેરાત કરી હતી. ટ્રમ્પ અને સલમાને મંગળવારે રિયાધમાં વ્યૂહાત્મક આર્થિક ભાગીદારી કરાર પર હસ્તાક્ષર કર્યા. આ ભાગીદારીમાં ઊર્જા, ખાણકામ અને સંરક્ષણ માટેના કરારોનો સમાવેશ થાય છે. આ અંગે હજુ સુધી સંપૂર્ણ માહિતી મળી નથી.

અમેરિકા સાઉદી અરેબિયાને 5 ક્ષેત્રોમાં શસ્ત્રો અને તકનીકી સહાય પૂરી પાડશે

વાયુસેના અને અવકાશમાં સુરક્ષા અને દેખરેખની મજબૂતાઈમાં વધારો
હવાઈ અને મિસાઈલ હુમલાઓ સામે રક્ષણ
સાઉદી અરેબિયન નૌકાદળને મજબૂત બનાવવું
સરહદ સુરક્ષા અને સરહદ દળોને નવી ટેકનોલોજીથી સજ્જ કરવા
માહિતી અને સંદેશાવ્યવહાર પ્રણાલીઓનું અપગ્રેડેશન