જૂનાગઢ અને સોમનાથ પ્રવાસે કેન્દ્રીય કેબિનેટ મંત્રી પીયુષ ગોયલ

ખાસ-ખબર સંવાદદાતા
કેન્દ્રીય મંત્રી પીયુષ ગોયલ સૌરાષ્ટ્રનાં પ્રવાસે હોઈ ત્યારે જૂનાગઢ અને ગીર સોમનાથ જિલ્લામાં તેમના વિવિધ સંગઠનો સાથે બેઠકો અને કાર્યક્રમો હતા. સૌપ્રથમ કેન્દ્રીય મંત્રી પીયુષ ગોયલે સોમનાથ મહાદેવને શીશ ઝુકાવ્યું હતું. સોમનાથ પરિસરમાં આવેલા કપર્દિ વિનાયક ગણપતિ જીના દર્શન કર્યા હતાં. સોમનાથ મહાદેવ ને ગંગાજળ અભિષેક કરેલ, સોમેશ્ર્વર મહાપૂજા પણ આ પ્રસંગે તેઓ એ કરી હતી. સોમનાથ મંદિર ખાતે દક્ષિણ ધ્રુવ ની મુલાકાત લીધી હતી. આ પ્રસંગે સરદાર વલ્લભભાઈ પટેલ પ્રતિમાને તેઓએ પૂષ્પાજલી કરી હતી, આ પ્રસંગે શ્રી સોમનાથ ટ્રસ્ટ તરફથી ઇન્ચાર્જ જનરલ મેનેજરે તેઓને સ્મૃતિભેટ આપી સ્વાગત અને સન્માન કર્યુ હતુ. તેઓએ જણાવ્યું હતું કે, સરદાર પટેલ દ્વારા પુન: નિર્માણ પામેલા સોમનાથ મંદિરના દર્શન અને પૂજા કરી ધન્ય બન્યો છું.