યુક્રેનને 30 દિવસમાં 100 બિલિયનનું નુકસાન, હજારો લોકોના કરૂણ મોત

• એક કરોડથી વધુ લોકોએ પોતાના ઘર છોડી દીધા છે

• 36 લાખ લોકોએ સાત પડોશી દેશોમાં આશરો લીધો 

રશિયા અને યુક્રેન વચ્ચે 24 ફેબ્રુઆરીથી શરૂ થયેલા યુદ્ઘને 30 દિવસ પૂર્ણ થયા છે. સંયુકત રાષ્ટ્રના અહેવાલ મુજબ યુક્રેનની વસ્તી લગભગ 44.1 મિલિયન છે. તેમાંથી એક કરોડથી વધુ લોકોએ પોતાના ઘર છોડી દીધા છે. એકલા 36 લાખ લોકોએ સાત પડોશી દેશોમાં આશરો લીધો છે. યુદ્ઘગ્રસ્ત દેશમાં 65 લાખ લોકો એવા છે જેઓ અલગ થઈ ગયા છે. યુક્રેનમાં ફસાયેલા 22 લાખ લોકો તેમના દ્યર છોડવાની તૈયારી કરી રહ્યા છે.

કિવ, મેરીયુપોલ, સુમી, ખેરસન, ચેર્નિહિવ, ઓડેસા, ખારકીચરા માયકોલેવ બોમ્બ ધડાકાથી ખરાબ રીતે બરબાદ થઈ ગયા હતા. અહીંની શૈક્ષણિક સંસ્થાઓ, ઔદ્યોગિક એકમો, પુસ્તકાલયો અને રમતગમત સંસ્થાઓને નુકસાન.
યુક્રેન પર રશિયાની સૈન્ય કાર્યવાહીથી થયેલું નુકસાન 100 બિલિયનથી વધુ હોવાનો અંદાજ છે. યુનાઈટેડ નેશન્સ ઓર્ગેનાઈઝેશન યુનાઈટેડ નેશન્સ ડેવલપમેન્ટ પ્રોગ્રામ (યુએનડીપી) એ કહ્યું છે કે જો પરિસ્થિતિ આવી જ રહી તો યુક્રેનની અર્થવ્યવસ્થા બે દાયકા પાછળ જશે.

યુક્રેનનો દાવો: રશિયાનું નુકસાન

• 15,800 રશિયન સૈનિકો માર્યા ગયા છે.
• 530થી વધુ રશિયન ટેન્કો સંપૂર્ણપણે નાશ પામી.
• 1597 લશ્કરી વાહનોને કાર્યવાહીમાં નુકસાન થયું.
• 47 એર ડિફેન્સ સિસ્ટમ્સ અક્ષમ.
• 108 ફાઈટર પ્લેન તોડી પાડવામાં આવ્યા છે.
• 124 હેલિકોપ્ટર ગ્રાઉન્ડ કરવામાં આવ્યા હતા.
• 72 બળતણ ટ્રક આગના ગોળામાં ફેરવાઈ.
• 50થી વધુ ડ્રોનને હવામાં તોડી પાડવામાં આવ્યા હતા.
• રશિયાની કાર્યવાહીમાં યુક્રેનનું નુકસાન
• 953 નાગરિકોના મોત, 128 બાળકોનો સમાવેશ, 172 ઘાયલ.
• બોમ્બ ફેંકવા માટે રશિયન ફાઈટર પ્લેન દ્વારા 250થી વધુ ફ્લાઈટ્સ કરવામાં આવી હતી.
• રશિયન સેના દ્વારા યુક્રેન પર 750થી વધુ મિસાઈલો છોડવામાં આવી છે.
• 566 શૈક્ષણિક સંસ્થાઓ પર હુમલો, 73 સંપૂર્ણપણે નાશ પામી.
• WHO અનુસાર 64 થી વધુ હોસ્પિટલો લેન્ડલોક છે.
• રશિયન સેનાએ 20 થી વધુ હેલિકોપ્ટરને તોડી પાડ્યાં