રાજૌરીમાં સેનાના ગોળીબારમાં બે યુવકોના મોત, રોષે ભરાયેલા લોકોએ રાજૌરી-જમ્મુ હાઈવે બ્લોક કર્યો

• શંકાસ્પદ ગતિવિધિને કારણે સેનાએ ફાયરીંગ કર્યું

સેનાની શિબિર પાસે શંકાસ્પદ ગતિવિધિના કારણે સેનાના જવાનોએ ફાયરીંગ કરતા બે સ્થાનિક નાગરિકો માર્યા ગયા હતા અને એક નાગરિક ઘાયલ થયો હતો, આ ઘટનાને પગલે સેના સામે વિરોધ-પ્રદર્શન શરુ થયા છે અને લોકોએ હાઈવેને ચક્કાજામ કરી દીધો છે.

અધિકારીઓ જણાવ્યું હતું કે રાજૌરીનો શલિંદર કુમાર અને કમલ કિશોરની ગોળીબારીમાં મોત થઇ છે. દેખાવકારોએ મૃતકોના પરિવારને 10-10 લાખ રુપિયાનું વળતર, સગા-સંબંધીઓને નોકરી, બાળકોને મફત શિક્ષણ અને મામલાની એફઆઈઆર નોંધવાની માંગ કરી છે.

પ્રારંભિક તપાસમાં બહાર આવ્યું છે કે સેનાના એક સંત્રીએ આજે શુક્રવારે સવારે કથિત રીતે ગોળીબારી કરી હતી. પીડિત કે જે કથિત રીતે સેનાના કુલીઓ તરીકે કામ કરી રહ્યા હતા. સવારે 6-15 વાગ્યે તેઓ એક સૈન્ય શિબિરના ઉલ્ફા ગેટ પાસે આવી રહ્યા હતા ત્યારે તેમના પર ગોળીબાર થયો હતો.