ખાસ-ખબર ન્યૂઝ જૂનાગઢ, તા.9
જૂનાગઢ તાલુકાના જામકા પાસે ઓટો રિક્ષા પુલ પરથી નીચે ખાબકતા દબાઇ જવાથી જૂનાગઢના બે યુવકોના ઘટના સ્થળે જ ગંભીર ઇજા થવાથી મોત નિણજ્યા હતા. જૂનાગઢ તાલુકાના જામકા પાસે નદીમાં રિક્ષા ખાબકી હતી. બનાવ અંગે તાલુકા પોલીને જાણ થતા ટીમ દ્વારા ઘટના સ્થળ પરથી રિક્ષા નીચે દબાયેલા બે યુવકોના મૃતદેહ મળી આવ્યા હતા.
પોલીસે જણાવ્યુ હતુ કે, આધારકાર્ડના આધારે તપાસમાં એક નામ ચુનીલાલ કાનજીભાઇ ચોટલીયા અને બીજા યુવાનનું ફેઝલ હુશેન મુસાણી અને બંને જૂનાગઢના હોવાનું તપાસમાં સામે આવ્યુ હતુ. યુવકોના મોતથી તેમના પરિવારમાં શોકનું મોજુ પ્રસરી ગયુ હતુ. પોલીસ દ્વારા બંને યુવકોના મૃતદેહને હોસ્પિટલે પીએમમાં ખસેડી રીક્ષા કયા કારણોસર પુલ નીચે પડી હતી તે અંગેની વધુ તપાસ હાથ ધરવામાં આવી છે.
