કારમાં સીટ નીચે બનાવેલા ચોરખાનામાંથી 54 બોટલ દારૂ મળ્યો; ઘંટેશ્ર્વર પાસેથી 672 ચપલા સાથે એકની ધરપકડ
ખાસ-ખબર ન્યૂઝ રાજકોટ, તા.22
- Advertisement -
રાજકોટ એલસીબી ઝોન 1ના પીએસઆઈ બી વી બોરીસાગર અને ટીમ પેટ્રોલિંગમાં હતી દરમિયાન સ્ટાફને બાતમી મળી હતી કે ભાવનગર હાઇવે રોડ પરથી દારૂૂનો જથ્થો કારમાં ભરીને બે શખસ પસાર થવાના છે આ માહિતી આધારે વોચ ગોઠવી પોલીસે સેન્ટ્રો કારને અટકાવી તલાશી લેતા કારની સીટની નીચે બનાવેલ ચોરખાનામાંથી દારૂૂની 54 બોટલો મળી આવતા પોલીસે કોઠારીયા મેઇન રોડ પર શિયાણીનગરમાં રહેતા અફઝલ હુશેનભાઇ શેખ તેમજ કોઠારીયા સોલવંટના અલ્તાફ હબીબભાઇ નકાણીની ધરપકડ કરી દારૂૂ, કાર, મોબાઈલ સહિત 1,42,400નો મુદ્દામાલ કબ્જે કરી બંને શખ્સો દારૂૂ ક્યાંથી લાવ્યા અને અહીં કોને આપવાના હતા? તે સહિતના મુદ્દે વધુ તપાસ હાથ ધરી છે.
ઘંટેશ્ર્વર ચોકડી પાસે એક શખ્સ વિદેશી દારૂૂના જથ્થા સાથે ઊભો હોવાની માહિતી આધારે ક્રાઇમ બ્રાન્ચ પીઆઇ એમ આર ગોંડલીયા અને ટીમે દરોડો પાડી બાતમીવાળા શખ્સને સકંજામાં લઈ નામઠામ પૂછતાં વર્ધમાનનગરમાં સમય એપાર્ટમેન્ટમાં રહેતો કેયૂર નીતિન સંઘવી હોવાનું જણાવતા બોક્સની તલાશી લેતા અંદરથી જુદી જુદી બ્રાન્ડના દારૂૂના કુલ 672 ચપલા મળી આવતા પોલીસે 67,200નો દારૂૂ કબજે કરી કેયૂરની ધરપકડ કરી છે.
