બિહારના મધુબનીથી શરૂ થયેલી અને નવી દિલ્હી તરફ જતી ડબલ ડેકર બસમાં ઘટના સમયે લગભગ 55 મુસાફરો સવાર હતા.
બિહારથી દિલ્હી જઈ રહેલી ડબલ ડેકર બસ ઉત્તર પ્રદેશના ઇટાવા નજીક અકસ્માતનો ભોગ બની હતી. આ બસ આગ્રા લખનૌ એક્સપ્રેસવે પરથી પલટી હતી. આ અકસ્માતમાં બે લોકોના મોત થયા હતા છે, જ્યારે 50 થી વધુ લોકો ઘાયલ થયા હતા.
અકસ્માત કેવી રીતે થયો?
મળતી માહિતી મુજબ બિહારથી દિલ્હી જઈ રહેલી એક ખાનગી બસ ઇટાવાના સૈફઈ વિસ્તારમાં અકસ્માતનો ભોગ બની હતી. આ બસ આગ્રા લખનૌ એક્સપ્રેસવે પર માઇલસ્ટોન 103ની નજીક પહોંચતાની સાથે જ તે એક્સપ્રેસવે પરથી નીચે પડી ગઈ હતી. એવું અનુમાન કરવામાં આવી રહ્યું છે કે ડ્રાઇવરને ઊંઘનું ઝોકું આવી જવાથી આ અકસ્માત થયો હતો.
અકસ્માતમાં 2 મુસાફરોના મોત
એવું કહેવાય છે કે બસમાં લગભગ 80 લોકો સવાર હતા, જેમાંથી બે લોકોના મોત થયા છે જ્યારે 50થી વધુ લોકો ઘાયલ થયા હતા. મૃતકોમાં દરભંગા (બિહાર)ની એક મહિલા સૈદા ખાતુન અને મનોજ કુમાર 55 વર્ષીય મનોજ કુમારનો સમાવેશ થાય છે.
ઉચ્ચ અધિકારીઓ ઘટનાસ્થળે પહોંચ્યા
અકસ્માતની માહિતી મળતા જ સ્થાનિક પોલીસ ઘટનાસ્થળે પહોંચી ગઈ હતી અને રાહત અને બચાવ કાર્ય શરૂ કર્યું હતું. પોલીસ તેમને હોસ્પિટલ લઈ ગઈ. ઇટાવાના ડીએમ અને એસએસપી અન્ય અધિકારીઓ સાથે ઘટનાસ્થળે પહોંચ્યા અને પરિસ્થિતિનો તાગ મેળવ્યો હતો. હાલ બસને કેન દ્વારા બહાર કાઢવામાં આવી રહી છે.
