દારૂ, ટ્રક સહિત રૂા.22.66 લાખનો મુદામાલ કબજે કરાયો
ખાસ-ખબર ન્યૂઝ રાજકોટ, તા.1
- Advertisement -
લોકસભાની ચૂંટણી અંતર્ગત પોલીસ દ્વારા કડક પેટ્રોલિંગ અને સુરક્ષા વ્યસ્થાના પગલા લેવામાં આવી રહ્યા છે. તે દરમિયાન રાજકોટ જિલ્લાના ગોંડલના શેમળા ગામ પાસે અવધ ઇન્ડસ્ટ્રીયલના ગેઇટ પાસે ટ્રકને ચેક કરતા પૂઠા બનાવવાના પાઉડર ભરેલ કોથળીની આડમાં સંતાડેલો વિદેશી દારૂ મળી આવતા દારૂ ભરેલ ટ્રક સાથે ગોંડલના 2 શખ્સોની ધરપકડ કરી હતી
રાજકોટ જિલ્લામાં દારૂની હેરાફેરી ઉપર ખાસ વોચ રાખવાની સૂચના અન્વયે ગોંડલ તાલુકા પોલીસ મથકના પીએસઆઈ જે એમ ઝાલા અને ટીમ પેટ્રોલિંગમાં હતી દરમિયાન ગોંડલ તાલુકાના શેમળા પાસે આવેલ અવધ ઇન્ડસ્ટ્રીયલના ગેઇટ પાસેથી બાતમી આધારે ટ્રકને રોકી ચેક કરતા, ભારતીય બનાવટની ઇગ્લીશ દારૂની અલગ-અલગ બ્રાન્ડની 4188 બોટલો કિં રૂ. 12,56,400/- એક ટ્રક કિં રૂ. 10 લાખ મળી કુલ 22,66,400/-ના મુદામાલ સાથે ગોંડલની શિવશક્તિ સોસાયતીનો ધર્મેશ ઉર્ફે ધમો મનસુખ મકવાણા અને ગોંડલ વોરા કોટડા રોડ પર સરકારી આવાસમાં રહેતો સાદીક ઉર્ફે સાવજ જાની દલ મળી આવતા ધરપકડ કરી પ્રોહીબીશન એક્ટ હેઠળ કાર્યવાહી કરવામા આવેલ છે.
