જૂનાગઢમાં મહિલાને સળગાવી નાખવાના પ્રયાસમાં બેની ધરપકડ

જોષીપરા વિસ્તારના આદિત્યનગર પાસે રહેતા પરિવારના સભ્યો ઘરે સુતા હોય ત્યારે બે દિવસ અગાઉ મોડી વ્હેલી સવારે બે અજાણ્યા ઇસમોએ બારીમાંથી જવલંતશીલ પદાર્થ નાખીને પરિવારના સભ્યોને જીવતા સળગાવવાના મામલે ખુશ્બુબેને ફરિયાદ નોંધાવતા પોલીસે આ ગુનાની જીણવટ ભરી તપાસ કરતા આદિત્યનગરમાં બે અજાણ્યા શખ્સો મોટર સાયકલ પર આવીને આ કૃત્ય કર્યાનું સામે આવ્યુ હતુ. પોલીસે ફરીયાદના આધારે વધુ તપાસ કરતા સમગ્ર બનાવ મામલે રીસામણે બેસેલ ખુશ્બુ અને ખુશી બંન્ને બહેનો સાથે માતા ઘરમાં એકલા હતા તે સમયે ખુશીનો પતિ કૃણાલ જેન્તીભાઇ સોલંકી સાથે સગીરે આ કૃત્ય કર્યાનું સામે આવ્યુ હતુ. પોલીસે કૃણાલ સોલંકીને પોરબંદરથી ઝડપી લેવામાં સફળતા મળી હતી. તેની પુછપરછમાં સામે આવ્યુ હતુ કે, તેની પત્નિ ખુશ્બુ રીસામણે બેઠી હોય ત્યાર અવાર-નવાર સમજાવવાનો પ્રયત્ન કર્યો હોય છતાં ન માનતા તેના ઘરે આવી સળગાવવાનો પ્રયાસ કર્યો હતો. આ મામલે હાલ પોલીસે કૃણાલ અને સગીરવયના યુવકની ધરપકડ કરી કાર્યવાહી હાથ ધરી છે.