ખાસ-ખબર સંવાદદાતા
પોપ્યુલર ફ્રન્ટ ઓફ ઈન્ડિયા (PFI)નું ટ્વિટર એકાઉન્ટ બેન કરી દેવામાં આવ્યું છે. કેન્દ્રીય ગૃહમંત્રાલય દ્વારા PFI પર 5 વર્ષના પ્રતિબંધ બાદ આ કાર્યવાહી કરવામાં આવી છે. ભારત સરકારની ફરિયાદ બાદ ટ્વિટર ઈન્ડિયાએ PFIનું ટ્વિટર એકાઉન્ટ બેન કરી દીધુ છે. ક્ેન્દ્ર સરકારે PFI પર 28 સપ્ટેમ્બરના રોજ પ્રતિબંધ મૂકી દીધો હતો. PFI પર પ્રતિબંધ મૂકવાની માંગ અનેક રાજ્યોએ કરી હતી. તાજેતરમાં જ ગઈંઅ અને તમામ રાજ્યોની પોલીસ અને એજન્સીઓએ PFIના ઠેકાણા પર દરોડા પાડ્યા હતા અને સેંકડો લોકોની ધરપકડ કરી હતી. કેન્દ્રીય ગૃહ મંત્રાલયે PFIને 5 વર્ષ માટે પ્રતિબંધિત સંગઠન જાહેર કર્યું છે. PFIઉપરાંત 8 સંલગ્ન સંસ્થાઓ સામે પણ કાર્યવાહી કરવામાં આવી છે.
દરોડા દરમિયાન અનેક લોકોની ધરપકડ કરવામાં આવી હતી
કેન્દ્ર સરકારના નોટિફિકેશન જાહેર કર્યા બાદ તમિલનાડુ અને કેરળ સહિત ઘણા રાજ્યોએ PFI પર પ્રતિબંધ લગાવવાના આદેશ જાહેર કરવામાં આવ્યા છે. 22 સપ્ટેમ્બર અને 27 સપ્ટેમ્બરે ગઈંઅ, ઊઉ અને રાજ્ય પોલીસે PFI પર દરોડા પાડ્યા હતા. દરોડાના પ્રથમ રાઉન્ડમાં PFI સાથે સબંધિત 106 લોકોની ધરપકડ કરવામાં આવી હતી. દરોડાના બીજા રાઉન્ડમાં PFI સાથે સબંધિત 247 લોકોની ધરપકડ / અટકાયત કરવામાં આવી હતી. તપાસ એજન્સીઓને PFI વિરુદ્ધ પૂરતા પુરાવા મળ્યા છે. ત્યારબાદ તપાસ એજન્સીઓએ ગૃહ મંત્રાલય પાસે કાર્યવાહીની માંગ કરી હતી. તપાસ એજન્સીઓની ભલામણ પર ગૃહ મંત્રાલયે PFI પર પ્રતિબંધ મૂકવાનો નિર્ણય કર્યો હતો.
- Advertisement -
8 સહયોગી સંગઠનો પર પણ પ્રતિબંધ
ગૃહ મંત્રાલયે અન્ય 8 સહયોગી સંગઠનો વિરૂદ્ધ પણ કાર્યવાહી કરવામાં આવી છે. પીએફઆઈ ઉપરાંત રિહૈબ ઈન્ડિયા ફાઉન્ડેશન (છઈંઋ), કેમ્પસ ફ્રન્ટ ઓફ ઈન્ડિયા (ઈઋઈં), ઓલ ઈન્ડિયા ઈમામ કાઉન્સિલ (અઈંઈંઈ), નેશનલ કોન્ફેડરેશન ઓફ હ્યુમન રાઈટ્સ ઓર્ગેનાઈઝેશન (ગઈઇંછઘ), નેશનલ વીમેન ફ્રન્ટ, જુનિયર ફ્રન્ટ, એમ્પાવર ઈન્ડિયા ફાઉન્ડેશન અને રિહેબ ફાઉન્ડેશન, કેરળ જેવાસહયોગી સંગઠનો પર પણ પ્રતિબંધ મુકવામાં આવ્યો છે.
