અમેરિકાના રાષ્ટ્રપતિ ડોનાલ્ડ ટ્રમ્પે શુક્રવારે વિદેશી સ્ટીલ આયાત પર ટેરિફ બમણા કરવાની યોજનાની જાહેરાત કરી છે. જેમાં ટેરિફ દર વર્તમાન 25 ટકાથી વધારીને 50 ટકા કરવામાં આવ્યો.
અમેરિકાના રાષ્ટ્રપતિએ સ્ટીલની આયાત પર ટેરિફ વધારીને 50% સુધીનો કરવાની જાહેરાત કરી છે તેની પાછળના તેમના ઉદેશ્ય વિશે તેમણે કહ્યું કે આ ટેરિફનો હેતુ અમેરિકન સ્ટીલ ઉદ્યોગને પ્રોત્સાહન આપવાનો છે. પેન્સિલવેનિયામાં યુએસ સ્ટીલના મોન વેલી વર્ક્સ-ઇર્વિન પ્લાન્ટમાં બોલતા ડોનાલ્ડ ટ્રમ્પે કહ્યું કે ટેરિફ વધારો સ્થાનિક સ્ટીલ ઉત્પાદકોને રક્ષણ આપશે અને અમેરિકન ઉત્પાદનને વેગ આપશે.
- Advertisement -
સ્ટીલની આયાત પર 25% ટેરિફ વધારો
એક ન્યૂઝ એજન્સીના અહેવાલ મુજબ યુએસ રાષ્ટ્રપતિ ટ્રમ્પે કહ્યું ‘અમે સ્ટીલની આયાત પર ટેરિફ 25% વધારવા જઈ રહ્યા છીએ.’ અમે યુનાઇટેડ સ્ટેટ્સમાં સ્ટીલ પરનો ટેરિફ 25% થી ઘટાડીને 50% કરવા જઈ રહ્યા છીએ. જે આપણા દેશમાં સ્ટીલ ઉદ્યોગને વધુ સુરક્ષિત બનાવશે. ચીન પર નિશાન સાધતા ટ્રમ્પે કહ્યું કે અમેરિકાનું ભવિષ્ય ‘શાંઘાઈના સસ્તા સ્ટીલ’ પર આધાર રાખવાને બદલે ‘પિટ્સબર્ગની તાકાત અને ગૌરવ’ સાથે બનાવવું જોઈએ.
સ્ટીલ ટેરિફમાં વધારો મુખ્ય ઉદ્યોગોને અસર કરશે?
- Advertisement -
જો પ્રસ્તાવિત ટેરિફ વધારો લાગુ કરવામાં આવે છે તો તે સ્ટીલ પર ભારે નિર્ભર ઉદ્યોગો – જેમાં હાઉસિંગ, ઓટોમોટિવ અને બાંધકામ ક્ષેત્રોનો સમાવેશ થાય છે. તેના ખર્ચમાં વધારો કરી શકે છે. ટ્રમ્પ દ્વારા મજબૂત વેપાર સુરક્ષા માટેના સતત આહવાન વચ્ચે આ જાહેરાત કરવામાં આવી છે. સરકારી માહિતી અનુસાર 2018 માં યુએસમાં સ્ટીલ પર પહેલી વાર ટેરિફ લાદવામાં આવ્યા પછી સ્ટીલ ઉત્પાદનોના ભાવમાં લગભગ 16 ટકાનો વધારો થયો છે. ટ્રમ્પે કહ્યું કે જાપાન સ્થિત નિપ્પોન સ્ટીલને સંડોવતા પ્રસ્તાવિત રોકાણ સોદા હેઠળ યુએસ સ્ટીલ એક અમેરિકન કંપની રહેશે.
જાપાની કંપની નિપ્પોન યુએસ સ્ટીલમાં રોકાણ કરશે
જોકે આ વ્યવસ્થાને એક મહત્વપૂર્ણ વિકાસ તરીકે ગણાવવામાં આવી રહી છે. પરંતુ કોઈ નક્કર વિગતો જાહેર કરવામાં આવી નથી. “આજે અમે અહીં એક બ્લોકબસ્ટર કરારની ઉજવણી કરવા માટે છીએ જે સુનિશ્ચિત કરશે કે આ સુપ્રસિદ્ધ કંપની (યુએસ સ્ટીલ) અમેરિકન કંપની રહે” રાષ્ટ્રપતિ ડોનાલ્ડ ટ્રમ્પે પિટ્સબર્ગ નજીક યુએસ સ્ટીલ વેરહાઉસમાં એક કાર્યક્રમ દરમિયાન જાહેરાત કરી. યુએસ સ્ટીલે હજુ સુધી તેના રોકાણકારો સાથે સોદા વિશે કોઈ વિગતો શેર કરી નથી. નિપ્પોન સ્ટીલે પ્રસ્તાવિત ભાગીદારી માટે પોતાનો ટેકો વ્યક્ત કર્યો છે. પરંતુ ચોક્કસ શરતો જાહેર કરી નથી.
આ સોદાથી પરિચિત યુએસ કાયદા નિર્માતાઓના જણાવ્યા અનુસાર જાપાની કંપની નિપ્પોન સ્ટીલ યુએસ જાહેર ક્ષેત્રની કંપની યુએસ સ્ટીલને હસ્તગત કરશે અને પેન્સિલવેનિયા, ઇન્ડિયાના, અલાબામા, અરકાનસાસ અને મિનેસોટામાં તેના સંચાલનમાં અબજો ડોલરનું રોકાણ કરશે. જોકે કરાર અંગે સ્પષ્ટતાના અભાવે શંકાને વેગ આપ્યો છે. લાંબા સમયથી આ સંપાદનના ટીકાકાર રહેલા યુનાઇટેડ સ્ટીલવર્કર્સ યુનિયને પ્રશ્ન ઉઠાવ્યો કે શું અહેવાલિત ફેરફારો નિપ્પોનની મૂળ યોજનાઓથી મોટા પાયે વિચલન દર્શાવે છે.
અમેરિકન સ્ટીલ યુનિયને સોદા પર પ્રશ્નો ઉઠાવ્યા
“નિપ્પોન સતત કહે છે કે તે દર વર્ષે 100 ટનથી વધુ સ્ટીલનું ઉત્પાદન કરશે” યુનાઇટેડ સ્ટીલવર્કર્સ યુનિયને એક નિવેદનમાં જણાવ્યું હતું. જો તેમની પાસે કંપનીની સંપૂર્ણ માલિકી હશે તો જ તેઓ સ્ટીલ ફેક્ટરીઓમાં રોકાણ કરશે. “અમે છેલ્લા કેટલાક દિવસોમાં કોઈ રિપોર્ટ જોયો નથી જે દર્શાવે છે કે નિપ્પોન સ્ટીલે આ પદ પરથી પીછેહઠ કરવાનો નિર્ણય લીધો છે.” ડોનાલ્ડ ટ્રમ્પના દાવાઓથી વિપરીત જો નિપ્પોન સ્ટીલ યુએસ સ્ટીલની માલિકી મેળવે છે તો યુએસ સ્ટીલ હવે અમેરિકન કંપની રહેશે નહીં.
