પ્રવાસી સ્પર્ધકોને ગોલ્ડ માઈનિંગ, રિવર રાફ્ટિંગ જેવા ટાસ્ક હશે
ખાસ-ખબર ન્યૂઝ વોશિંગ્ટન, તા.19
- Advertisement -
અમેરિકી રાષ્ટ્રપતિ ડોનાલ્ડ ટ્રમ્પનો વધુ એક ’આઉટ ઓફ ધ બોક્સ’ આઈડિયા સામે આવ્યો છે. અમેરિકાની નાગરિકતા હવે ફક્ત કાયદાકીય પ્રક્રિયા અને સ્કિલ દસ્તાવેજો દ્વારા જ નહીં પરંતુ બિગ બોસ જેવા રિયાલિટી ટીવી શો દ્વારા પણ મેળવી શકાય છે.
આ હેતુ માટે યુએસ ગૃહ મંત્રાલયે ’ધ અમેરિકન શો’ પ્રોજેક્ટ બનાવ્યો છે. આ અનોખા ટીવી શોમાં, વિવિધ દેશોના ઇમિગ્રન્ટ્સ અમેરિકન પરંપરાઓ, રિત-રિવાજો અને દેશભક્તિ સંબંધિત ટાસ્કમાં ભાગ લેશે.
વિજેતાને અમેરિકાની નાગરિકતા આપવામાં આવશે. આ રિયાલિટી શોનું નેટફ્લિક્સ પર લાઈવ પ્રસારણ પણ કરવામાં આવશે. ’ધ અમેરિકન શો’ પ્રોજેક્ટના પહેલા એપિસોડમાં 12 સ્પર્ધકો ભાગ લેશે. આ શોમાં કેટલા એપિસોડ હશે તે હજુ સ્પષ્ટ નથી. આગામી એપિસોડમાં ભાગ લેનારા સ્પર્ધકોની કુલ સંખ્યા વિશે કોઈ માહિતી નથી. ઇમિગ્રન્ટ્સને પહેલા ધ સિટીઝન શિપમાં બેસાડવામાં આવશે અને તેમને ન્યૂયોર્કના એલિસ આઇલેન્ડ પર લઈ જવામાં આવશે, જ્યાં વિશ્ર્વ પ્રખ્યાત સ્ટેચ્યુ ઓફ લિબર્ટી છે.
તેમને અહીંના શાનદાર મહેલમાં રાખવામાં આવશે. અહીં ઇન-હાઉસ એક્ટિવિટીઝ થશે. દરેક એપિસોડને સીઝનના ચાર ભાગોમાં વહેંચવામાં આવશે: હેરિટેજ ચેલેન્જ, એલિમિનેશન ચેલેન્જ, ટાઉન હોલ મીટિંગ અને ફાઇનલ વોટિંગ. આ ટાસ્ક ખૂબ પડકારજનક હશે.
- Advertisement -
પ્રથમ ત્રણ વિજેતાઓને ઇનામો પણ આપવામાં આવશે. વિજેતાને 10 લાખ અમેરિકન એરલાઇન્સ પોઈન્ટ્સ, 10 લાખ રૂૂપિયાના સ્ટાર બક્સ ગિફ્ટ કાર્ડ અને અમેરિકાના 76 પેટ્રોલ પંપ પરથી લાઈફ ટાઈમ ફ્રી ફ્યુઅલની સુવિધા મળશે. યુનાઇટેડ સ્ટેટ્સમાં કાયમી રહેવા માટે ગ્રીન કાર્ડ જરૂરી છે. આ માટે ઊઇ-1, ઊઇ-2, ઊઇ-3, ઊઇ-4 વિઝા પ્રોગ્રામ છે, પરંતુ ઊઇ-5 વિઝા પ્રોગ્રામ શ્રેષ્ઠ છે. તે 1990થી અમલમાં છે. આમાં, વ્યક્તિ કોઈપણ નોકરીદાતા સાથે બંધાયેલ નથી અને અમેરિકામાં ગમે ત્યાં રહી શકે છે, કામ કરી શકે છે અથવા અભ્યાસ કરી શકે છે. આ મેળવવામાં 4 થી 6 મહિનાનો સમય લાગે છે. ઊઇ-4 વિઝા કાર્યક્રમનો હેતુ વિદેશી રોકાણ આકર્ષવાનો છે. આમાં, લોકોએ ઓછામાં ઓછા 10 નોકરીઓનું સર્જન કરતા વ્યવસાયમાં 1 મિલિયન ડોલરનું રોકાણ કરવું પડશે. આ વિઝા કાર્યક્રમ રોકાણકાર, તેની પત્ની અને 21 વર્ષથી ઓછી ઉંમરના કોઈપણ બાળકોને યુએસ કાયમી નાગરિકતા આપે છે.
આ 6 ટાસ્ક હશે
1. સાન ફ્રાન્સિસ્કોમાં ગોલ્ડ માઈનિંગ: અમેરિકન વાઇલ્ડ વેસ્ટની પરંપરાથી પ્રેરિત.
2. વિસ્કોન્સિનમાં લોગ રોલિંગ: નદીમાં ઝાડના થડ પર બેલેન્સ કરવાનું શક્તિ પ્રદર્શન.
3. કોલોરાડોમાં રિવર રાફ્ટિંગ: આ તમને મુશ્ર્કેલીઓનો સામનો કેવી રીતે કરવો તે શીખવશે.
4. ફ્લોરિડામાં રોકેટ એસેમ્બલી: સ્પેસ ટેકનોલોજીમાં શ્રેષ્ઠતા દર્શાવે છે.
5. ડેટ્રાઇટમાં ફોર્ડની 1914 આઈકોનિક ટી મોડેલ એસેમ્બલ કરાવવામાં આવશે.
6. મેલ ડિલીવરી: ઘોડા પર બેસીને ટપાલ પહોંચાડવાનો ટાસ્ક. તેનાથી રાઈડિંગ સ્કીલની ચકાસાશે.
