ખાસ-ખબર ન્યૂઝ વોશિંગ્ટન, તા.1
અમેરિકન રાષ્ટ્રપતિ ટ્રમ્પ જાપાન પર અમેરિકન ચોખા માટે બજાર ખોલવા માટે દબાણ કરી રહ્યા છે. આ કારણે, જાપાનના મુખ્ય વાટાઘાટકાર ર્યોસેઈ અકાઝાવાએ તેમની ઞજ મુલાકાત રદ કરી છે.
નિક્કી એશિયાના અહેવાલ મુજબ, અકાઝાવા 28 ઓગસ્ટે વોશિંગ્ટન ડીસીની મુલાકાત લેવાના હતા, પરંતુ ટ્રમ્પે યુએસ ચોખા ખરીદવા માટે દબાણ કરતા તેમણે પ્રવાસ રદ કર્યો છે.
અમેરિકાએ પણ ભારત પર આવું જ દબાણ કર્યું હતું. અમેરિકા ઇચ્છતું હતું કે ભારત તેમની માંસાહારી ગાયોનું દૂધ ખરીદે. ઉપરાંત, ભારતે તેમના ખેડૂતો માટે પોતાનું બજાર ખોલવું જોઈએ. પરંતુ ભારતે સ્પષ્ટપણે આ વાતનો ઇનકાર કરી દીધો હતો.
આ પછી, અમેરિકાએ ભારત પર 25% ટેરિફ લાદ્યો, જે પાછળથી વધીને 50% થયો.નિક્કી એશિયાના જણાવ્યા અનુસાર, અકાઝાવા ઇચ્છતા હતા કે તેમની યાત્રાના પરિણામે અમેરિકા તરફથી લેખિત પ્રતિબદ્ધતા આવે કે જાપાની ઉત્પાદનો પરના ટેરિફ ઘટાડવામાં આવશે, પરંતુ જ્યારે સ્પષ્ટ થયું કે આવું નહીં થાય, ત્યારે તેમણે યાત્રા રદ કરી. ઘણા સરકારી અધિકારીઓએ નિક્કી એશિયાને જણાવ્યું હતું કે ટ્રમ્પે પહેલા જાપાન પર ટેરિફ ઘટાડવા દબાણ કર્યું અને પછી કૃષિ ઉત્પાદનોની આયાત વધારવા માટે શરતો મૂકી. બદલામાં, જાપાનને આશા હતી કે અમેરિકા ઓટોમોબાઈલ પરના ટેરિફ બોજમાં ઘટાડો કરશે, પરંતુ ટ્રમ્પ તરફથી આ સંદર્ભમાં કોઈ નક્કર ખાતરી આપવામાં આવી ન હતી. અકાઝાવાએ પ્રેસ કોન્ફરન્સમાં જણાવ્યું હતું કે હજુ પણ ઘણા મુદ્દાઓ છે જેના પર અધિકારીઓના સ્તરે વધુ ચર્ચાની જરૂર છે. તેમણે કહ્યું કે જ્યાં સુધી વાતચીત ચાલુ રહેશે ત્યાં સુધી તેઓ અમેરિકાની મુલાકાત મુલતવી રાખી રહ્યા છે, પરંતુ ભવિષ્યમાં તેઓ ફરીથી જઈ શકે તેવી શક્યતા છે.
